Ekonomist, qarjy sarapshysy Maqsat Halyq jeńildikter men aktsiialarǵa aldanyp, josparlanbaǵan satyp alýlardan saq bolýǵa shaqyrdy, dep habarlaidy Dalanews.kz
Onyń aitýynsha, kóptegen adam «50% jeńildik», «arnaiy aktsiia» degen jarnamany kórip, qajeti joq taýardy satyp alyp, ony únemdeý dep qabyldaidy. Alaida bul kóbine qosymsha shyǵynǵa ákeledi.
«Adam ózine kerek zatty tolyq baǵasyna da ala beredi. Al marketologtardyń maqsaty – sizdiń aqshańyzdy únemdetý emes, josparlamaǵan zatty satyp aldyrý», – deidi sarapshy.
Maqsat Halyq muny ekonomikada impýlsivti tutyný dep túsindirdi. Iaǵni adam emotsiiaǵa berilip, «arzan eken» degen oimen sheshim qabyldaidy da, «maǵan bul kerek pe?» degen mańyzdy suraqty keiinge ysyrady.
Sarapshynyń sózinshe, jeńildik – qajettilik emes, tek múmkindik. Sondyqtan baǵaǵa emes, taýardyń shynaiy qundylyǵyna mán berý kerek.
«Siz bul zatty jeńildiksiz satyp almaityn bolsańyz, demek ol sizge qajet emes», – dedi ol.
Qarjy mamany sanaly tutynýshy naryqtyń asyqtyrýyna ermei, ár satyp alýdy oilanyp jasaitynyn atap ótti.
