Áleýmettik jelilerde birneshe er adamnyń jas jigitti kólikke otyrǵyzýǵa tyrysqan videosy tarady. Oqiǵa Taraz qalasynda bolǵan. Kýágerlerdiń aitýynsha, jigitti emtihannan tikelei alyp ketip, áskeri komissariatqa jetkizgen, dep habarlaidy dalanews.kz.
Jambyl oblysynyń shaqyrý komissiiasy bul jaǵdaiǵa qatysty óz nusqasyn jariialady. Komissiia málimetinshe, 2006 jyly týǵan azamat reid barysynda áskerge shaqyrylýshy retinde anyqtalǵan. Keiin oǵan derekterin naqtylaý úshin jinaqtaý pýnktine barý usynylǵan.
Alaida jas jigit óz erkimen barýdan bas tartqan. Osyǵan bailanysty ony jinaqtaý pýnktine májbúrli túrde jetkizý týraly sheshim qabyldanǵan.
Shaqyrý komissiiasynyń habarlaýynsha, keiin jinaqtaý pýnktinde oǵan áskeri qyzmettiń tártibi men talaptary túsindirilgen. Osydan soń ol merzimdi áskeri qyzmet ótkerýge kelisim bergen. Bul sheshimdi onyń anasy da qoldaǵan. Anasy uly jetkizilgen pýnktke arnaiy barǵan.
Qazirgi ýaqytta jas jigit meditsinalyq komissiiadan ótip jatyr jáne Ulttyq ulan qatarynda qyzmet etýge daiyndalýda.
Sonymen qatar ony jetkizýge qatysqan qyzmetkerlerdiń áreketterine áskeri politsiia tekserý júrgizip jatqany belgili boldy.
