Kópshilikke "Han" degen atpen belgili asaba, tamada Qasym Óteshev ákimshilik qamaýǵa alyndy. Ol 10 táýlikke qamalǵan, dep habarlaidy dalanews.kz.
Málimetke súiensek, mundai sheshim onyń jubaiy Almaǵa qatysty shyǵarylǵan qorǵanys nusqamasynyń talaptaryn buzýyna bailanysty qabyldanǵan.
Buǵan deiin, mamyr aiynyń ortasynda politsiia Qasym Óteshevke áieline jaqyndaýǵa jáne onymen bailanys ornatýǵa tyiym salatyn qorǵanys nusqamasyn bergen. Alaida birneshe kúnnen keiin ol jubaiynyń úiine barǵany aitylady.
Sol jerde erli-zaiypty arasynda janjal shyqqan. Oqiǵaǵa kýá bolǵan qurbysynyń aitýynsha, áńgime kóp uzamai daý-damaiǵa ulasyp, taraptar bir-birine aýyr sózder aitqan.
Osy jaǵdaidan keiin áleýmettik jelide qyzý talqylanǵan otbasylyq másele ákimshilik iske ainaldy. Qorǵanys nusqamasyn buzǵany úshin Qasym Óteshevke 10 táýlik ákimshilik qamaý jazasy taǵaiyndaldy.
Aqparatqa qaraǵanda, tamada jaqyn kúnderi bostandyqqa shyǵýy múmkin.
