Aqtóbe oblysynda Álimbet aýylynyń mańyna ushqyshsyz apparat qulaǵan. Onyń bólshekteri eldi mekennen shamamen 2,5 shaqyrym jerden tabylǵan, dep habarlaidy Dalanews.kz.
Jergilikti turǵyndardyń aitýynsha, apparat búgin tańǵy saǵat 08:30 shamasynda dalaǵa qulaǵan. Oqiǵadan keiin politsiia tekseris jumystaryn bastady.
Qazir oqiǵa ornynda ýákiletti organdar jumys istep jatyr. Mamandar qulaǵan nysannyń ne ekenin jáne qaidan kelgenin anyqtap jatyr.
Aqtóbe oblystyq Politsiia departamenti nysan eldi mekennen tys jerden tabylǵanyn habarlady.
Aita keteiik, Álimbet aýyly Qarǵaly aýdanynda, Resei shekarasyna jaqyn mańda ornalasqan.
