Qazaqstan qarjygerleri qaýymdastyǵynyń sarapshylary eldegi aktsiia naryǵynyń kapitalizatsiiasy sáýirdiń basynda jalpy ishki ónimniń shamamen 31 paiyzyna jetkenin málimdedi, dep habarlaidy Dalanews.kz.
Sarapshylardyń dereginshe, memlekettik baǵaly qaǵazdar kólemi JIÓ-niń 21 paiyzyna, al korporativtik qaryz kólemi 18 paiyzyna teń. Bul ishki kapital naryǵy birtindep keńeiip kele jatqanyn jáne onyń ári qarai ósý áleýeti saqtalǵanyn kórsetedi.
Mamandar bólshek investorlar sany artýy, basqarýdaǵy aktiv kóbeiýi ishki investitsiialyq baza damyp jatqanyn ańǵartatynyn aitady.
Sonymen qatar, sarapshylar naryqtaǵy damý birkelki emes ekenin de atap ótti. Olardyń pikirinshe, qazirgi júie negizinen ótimdi quraldardyń shekteýli toby men kvazimemlekettik sektorǵa súienip otyr.
Aldaǵy kezeńde kapitalizatsiianyń ósýi sapaly qarjy quraldary kóbeiýine, jańa emitentter paida bolýyna, institýtsionaldyq suranys artýyna jáne ujymdyq investitsiia róli kúsheiýine bailanysty bolady.
Sarapshylardyń aitýynsha, elde paiyzdyq mólsherleme jaǵynan da qolaily jaǵdai qalyptasyp keledi. Memlekettik baǵaly qaǵazdarǵa qyzyǵýshylyq artýy qarjy naryǵyndaǵy jaǵdai birtindep turaqtanýyna negiz bolýy múmkin.
