Reseilik tanymal pop-oryndaýshy Dima Bilan Qazaqstanda «Ia prosto liýbliý tebia» atty shoý baǵdarlamasymen óner kórsetedi. Kúzde ártis Almaty men Astanada eki kontsert ótkizbek, dep habarlaidy Dalanews.kz
Uiymdastyrýshylardyń málimetinshe, ánshi 20 qarasha kúni Almaty Arena sahnasyna shyǵady. Al 22 qarashada elordadaǵy Barys Arena kesheninde kontsert beredi.
Áleýmettik jelide ánshi kontsert jaily erekshe formatta jariialady.
«Men Reseidegi Threads-tyń basty adamy retinde, Qazaqstandaǵy eń bastylarǵa bara jatyrmyn. Bizdi eki kesh kútip tur. Daýys qatty bolady. Barlyǵy sizder men biz jaqsy kóretindei ótedi», – dep jazdy qaljyńdap.
Bilet baǵasy 20 myń teńgeden bastalady.
