Jetour Qazaqstan komandasynyń 2026 jylǵy Beıjiń avtosalonyna sapary brendtiń bolashaq damý baǵytyn ǵana emes, qazaqstandyq dıstrıbýsıanyń halyqaralyq deńgeıde moıyndalǵanyn da kórsetti, dep habarlaıdy Dalanews.kz.
Allur quramyna kiretin Jetour Qazaqstan dıstrıbýsıasy Auto China 2026 kórmesinde brendtiń jańa modelderimen jáne Travel+ dep atalatyn strategıasymen tanysty. Bul baǵyt avtomobıl, tehnologıa, paıdalanýshy tájirıbesi jáne saıahat mádenıetin bir arnaǵa toǵystyrady.
Sapardyń mańyzyn arttyrǵan taǵy bir jaıt – Jetour Qazaqstan halyqaralyq deńgeıde moıyndaldy. Kompanıa bas keńsesi qazaqstandyq dıstrıbýsıaǵa Outstanding Performance Award syılyǵyn tabystady. Bul marapat bıyl nebári úsh elge ǵana berilgen. Ol brendti damytýdaǵy joǵary nátıjeler men jergilikti naryqtaǵy pozısıany nyǵaıtýǵa qosqan úlesi úshin tapsyryldy.
Budan bólek, Jetour Qazaqstan sıfrlyq baǵyttaǵy júıeli jumysy men aýdıtorıamen tıimdi komýnıkasıasy úshin New Media Global Marketing marapatyna ıe boldy.
Jeke deńgeıde de moıyndaý bar. Tanymal bloger Rýslan Ibragımov (Russokitchen) Creative Vanguard Award syılyǵymen marapattaldy. Bul JETOUR brendi qalyptastyryp jatqan jańa tásildi kórsetedi: kompanıa tek avtokólikke emes, onyń aınalasyndaǵy qaýymdastyqqa, saıahatqa shabyt beretin adamdarǵa basymdyq beredi.
Modeldik qatarǵa kelsek, JETOUR stendi kórmedegi eń mazmundy alańdardyń biri boldy. Brend T1 jáne T2 modelderiniń gıbrıdti nusqalaryn, G700 flagmandyq jol talǵamaıtyn kóligin, sondaı-aq birqatar konsept-karlardy usyndy. Olardyń qatarynda yqsham TX krosoveri men gıbrıdti F700 pıkapy bar.
Sonymen qatar T-serıasynyń damýy jańa deńgeıge kóterilip keledi. Jetour T8 konsepti brendtiń tek jol talǵamaıtyn baǵytta emes, sonymen birge ómir saltyna beıimdelgen, kópfýnksıaly kólikter jasaýǵa bet alǵanyn kórsetedi.
Sapar aıasynda qazaqstandyq blogerler men jýrnalıser de jańa modelderdi synap kórdi. Olardyń qatarynda Rýslan Mukanov, Rashıt Ilásov, Vıktorıa Belgaeva, Aleksandr Gabchenko, Elena Nıkıtenko, Olga Prıdchına jáne Magjan Abıkenov bar. Olar jańa Jetour G700 kóligin test-draıvtan ótkizip, alǵashqy áserlerimen bólisti.
Bıyl avtosalonda JETOUR óz bolashaǵyn aıqyn kórsetti: T-Series – jeńil jolsyz aımaqtarǵa arnalǵan segmentti, al G-Series – premıým deńgeıdegi tolyqqandy jol talǵamaıtyn baǵytty qamtıdy. Bul rette basty nazar tek dızaın men jabdyqtaýǵa ǵana emes, tehnologıalarǵa da aýdarylyp otyr.
Kórmede usynylǵan negizgi tehnologıalardyń qatarynda GAIA arhıtektýrasy, C-DM gıbrıdtik júıesi jáne XWD ıntellektýaldy tolyq jetek júıesi bar.
Sondaı-aq JETOUR Beıjiń avtosalonynda tanymal mýzykant Alan Walker-men kollaborasıasyn tanystyrdy. Birlesken joba aıasynda kastomızasıalanǵan JETOUR T2 modeli usynylyp, qozǵalys erkindigi men saıahat ıdeıasy erekshe kórsetildi. Bul da Travel+ strategıasynyń bir bóligi.
Jalpy, Auto China 2026 kórmesine qatysý Jetour Qazaqstan úshin jahandyq brendpen bir baǵytta damyp kele jatqanyn taǵy bir márte dáleldedi. Eger buryn mundaı saparlar tek jańa modeldermen tanysýǵa arnalsa, búginde bul – halyqaralyq deńgeıdegi damý prosesine tikeleı qatysý, jańa tehnologıalar men naqty nátıjeler arqyly moıyndalý.
