Óńir basshysy 2019 jylǵa biznesti qarjylandyrý kólemi 74,6 mlrd. teńgeni qurap, ótken jylmen salystyrǵanda 16,5 mlrd. teńgege artqandyǵyna da toqtaldy. Osy jumystardyń nátijesinde 5 myńnan astam shaǵyn orta kásipkerlik jobalary men 42 myńǵa jýyq aýylsharýashylyǵy taýar óndirýshileri qarjylandyrylǵan.
– Investitsiialardy tartý Memleket basshysynyń Joldaýynda qoiǵan negizgi mindetteri biri bolyp tabylady. Jobalardy iske asyrý boiynsha atqarylǵan mańyzdy ári júieli jumystardyń nátijesinde aimaqqa 441,2 mlrd teńge investitsiia baǵyttalyp, naqty kólem indeksi 38,5%-ǵa artty. Onyń ishinde 61,6 mlrd teńge syrtqy investitsiialarǵa baǵyttalyp, úlesi 14 paiyzdy qurady. Óńirde 9 indýstrialdyq aimaq pen «TURKISTAN» arnaiy ekonomikalyq aimaǵy qurylǵan. Arnaiy ekonomikalyq aimaǵy 3 014 gektardy quraityn 5 sýbaimaqqa bólingen, – dedi Ómirzaq Estaiuly.
Investitsiia tartýda aýdan, qalalardyń ishinen 2020 jyly Keles aýdanyndaǵy reseilik «Eko-Kýltýra Agroholding kompaniiasy» quny 450 mlrd.tg. jýyq bolatyn investitsiialyq jobaǵa aýmaǵy 500 gektar jerge óndiristik jylyjai qurylysynyń bastalýy kútilýde. Bul investitsiialyq joba turǵylyqty halyqty aldaǵy 5 jyldyqta 10 myńnan asa jańa jumys oryndarymen qamtidy dep kózdelýde.
