Ulytaý oblysynda ornalasqan, jobalyq syiymdylyǵy 11,5 mln tekshe metrdi quraityn "Qylysh" sý qoimasy memleket qaramaǵyna ótti, dep habarlaidy Dalanews.kz.
Nysan jeke menshik ieliginen qaitarylǵannan keiin Qarajal qalasynyń ákimdigi gidrotehnikalyq qurylysty qaita jańǵyrtýǵa arnalǵan jobalyq-smetalyq qujattamany ázirleýge 16,4 mln teńge bóldi.
Josparǵa sáikes, jańǵyrtý aiasynda eki sorǵy stantsiiasy salynyp, sý ótkizý shliýzderi aýystyrylady. Sonymen qatar joǵary kerneýli elektr jelilerin tartý kózdelip otyr.
Bul sharalar sý qoimasynyń tehnikalyq jaǵdaiyn jaqsartyp, óńirdiń sý resýrstaryn tiimdi paidalanýǵa múmkindik beredi.
