Reseide Jeńis kúnine orai ótetin dástúrli áskeri parad biyl shekteýli formatta uiymdastyrylady. Bul týraly 28 sáýirde Resei Qorǵanys ministrligi málimdedi, dep habarlaidy Dalanews.kz.
9 mamyr kúni Máskeýdegi Qyzyl alańda Uly Otan soǵysyndaǵy Jeńistiń 81 jyldyǵyna arnalǵan áskeri parad ótedi. Alaida paradta áskeri tehnikalar kolonnasy bolmaidy. Mundai sheshim 2008 jyldan beri alǵash ret qabyldanyp otyr.
Sondai-aq biyl paradqa áskeri oqý oryndarynyń tárbielenýshileri — kadetter, sývorovshylar men nahimovshylar qatyspaidy. Vedomstvo bul shekteýlerdi «qazirgi jedel jaǵdaimen» bailanystyrǵan.
Paradtyń jaiaý bóliginde Resei Qarýly kúshteriniń joǵary áskeri oqý oryndarynyń kýrsanttary men ártúrli ásker túrleriniń áskeri qyzmetshileri sap túzeidi.
Al aviatsiialyq bólim saqtalady. Qyzyl alań ústinen reseilik pilotaj toptarynyń ushaqtary ushyp ótedi. Al shara sońynda Sý-25 shabýyldaýshy ushaqtary Máskeý aspanyn Resei týynyń tústerine boiaidy.
