رەسەيدە جەڭىس كۇنىنە وراي وتەتىن ءداستۇرلى اسكەري پاراد بيىل شەكتەۋلى فورماتتا ۇيىمداستىرىلادى. بۇل تۋرالى 28 ساۋىردە رەسەي قورعانىس مينيسترلىگى مالىمدەدى، دەپ حابارلايدى Dalanews.kz.
9 مامىر كۇنى ماسكەۋدەگى قىزىل الاڭدا ۇلى وتان سوعىسىنداعى جەڭىستىڭ 81 جىلدىعىنا ارنالعان اسكەري پاراد وتەدى. الايدا پارادتا اسكەري تەحنيكالار كولونناسى بولمايدى. مۇنداي شەشىم 2008 جىلدان بەرى العاش رەت قابىلدانىپ وتىر.
سونداي-اق بيىل پارادقا اسكەري وقۋ ورىندارىنىڭ تاربيەلەنۋشىلەرى — كادەتتەر، سۋۆوروۆشىلار مەن ناحيموۆشىلار قاتىسپايدى. ۆەدومستۆو بۇل شەكتەۋلەردى «قازىرگى جەدەل جاعدايمەن» بايلانىستىرعان.
پارادتىڭ جاياۋ بولىگىندە رەسەي قارۋلى كۇشتەرىنىڭ جوعارى اسكەري وقۋ ورىندارىنىڭ كۋرسانتتارى مەن ءارتۇرلى اسكەر تۇرلەرىنىڭ اسكەري قىزمەتشىلەرى ساپ تۇزەيدى.
ال اۆياسيالىق ءبولىم ساقتالادى. قىزىل الاڭ ۇستىنەن رەسەيلىك پيلوتاج توپتارىنىڭ ۇشاقتارى ۇشىپ وتەدى. ال شارا سوڭىندا سۋ-25 شابۋىلداۋشى ۇشاقتارى ماسكەۋ اسپانىن رەسەي تۋىنىڭ تۇستەرىنە بويايدى.
