اقش-تىڭ يللينويس شتاتىندا جوعالىپ كەتكەن 24 جاستاعى قازاقستان ازاماتى ەسەت قۇرالبايدىڭ دەنەسٸ تابىلعان بولۋى مٷمكٸن. بۇل تۋرالى سىرتقى ٸستەر مينيسترلٸگٸنٸڭ رەسمي ٶكٸلٸ ەرلان جەتٸباەۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بريفينگ باستالار الدىندا قازاقستاننىڭ اقش-تاعى ديپلوماتتارىنان جاڭا اقپارات كەلٸپ تٷسكەن.
«قازاقستان رەسپۋبليكاسىنىڭ سىرتقى ٸستەر مينيسترلٸگٸ اقش-تىڭ قۇزىرلى ورگاندارىنان دەنەسٸ تابىلعان ادامنىڭ قازاقستان ازاماتى بولۋى مٷمكٸن ەكەنٸ تۋرالى اقپارات الدى», – دەدٸ ەرلان جەتٸباەۆ.
قازٸرگٸ ۋاقىتتا امەريكالىق تاراپ تيٸستٸ رەسٸمدەردٸ جٷرگٸزٸپ جاتىر. جەكە باسىن انىقتاۋ جەنە باسقا دا قاجەتتٸ ساراپتامالار اياقتالعاننان كەيٸن رەسمي اقپارات جارييالانادى. سٸم ٶكٸلٸنٸڭ سٶزٸنشە, قازاقستاندىق ديپلوماتتار اقش-تىڭ قۇزىرلى ورگاندارىمەن جەنە ازاماتتىڭ تۋىستارىمەن تۇراقتى بايلانىستا. ولارعا قاجەتتٸ كونسۋلدىق قولداۋ كٶرسەتٸلٸپ جاتىر. مينيسترلٸك امەريكالىق تاراپتان قوسىمشا رەسمي مەلٸمەتتەر تٷسكەن سايىن جۇرتشىلىققا حابارلاناتىنىن مەلٸمدەدٸ.
ەسكە سالايىق, بۇعان دەيٸن اقش-تا جوعالعان قازاقستاندىق ەكٸ اپتادان بەرٸ تابىلماي جاتقانى حابارلانعان ەدٸ.
