AQSh-tyń Illinois shtatynda joǵalyp ketken 24 jastaǵy Qazaqstan azamaty Áset Quralbaidyń denesi tabylǵan bolýy múmkin. Bul týraly Syrtqy ister ministrliginiń resmi ókili Erlan Jetibaev málimdedi, dep habarlaidy dalanews.kz.
Onyń aitýynsha, brifing bastalar aldynda Qazaqstannyń AQSh-taǵy diplomattarynan jańa aqparat kelip túsken.
«Qazaqstan Respýblikasynyń Syrtqy ister ministrligi AQSh-tyń quzyrly organdarynan denesi tabylǵan adamnyń Qazaqstan azamaty bolýy múmkin ekeni týraly aqparat aldy», – dedi Erlan Jetibaev.
Qazirgi ýaqytta amerikalyq tarap tiisti rásimderdi júrgizip jatyr. Jeke basyn anyqtaý jáne basqa da qajetti saraptamalar aiaqtalǵannan keiin resmi aqparat jariialanady. SIM ókiliniń sózinshe, qazaqstandyq diplomattar AQSh-tyń quzyrly organdarymen jáne azamattyń týystarymen turaqty bailanysta. Olarǵa qajetti konsýldyq qoldaý kórsetilip jatyr. Ministrlik amerikalyq taraptan qosymsha resmi málimetter túsken saiyn jurtshylyqqa habarlanatynyn málimdedi.
Eske salaiyq, buǵan deiin AQSh-ta joǵalǵan qazaqstandyq eki aptadan beri tabylmai jatqany habarlanǵan edi.
