مەجٸلٸس دەپۋتاتى, «اق جول» پارتيياسىنىڭ بۇرىنعى تٶراعاسى ازات پەرۋاشەۆ قۇرىلتاي قۇرامىنا ەنبەي قالسا دا, ونى مەسەلە دەپ سانامايتىنىن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, ساياساتتاعى نەگٸزگٸ ماقساتتارىنىڭ باسىم بٶلٸگٸن جٷزەگە اسىرىپ ٷلگەرگەن.
«مەن تٶرت رەت دەپۋتات بولدىم. ٷكٸمەت الدىندا كٶتەرگٸم كەلگەن كٶپتەگەن مەسەلەلەردٸ جٷزەگە اسىردىم. ساياساتكەر رەتٸندە ٶزٸمدٸ ايتارلىقتاي دەڭگەيدە ٸسكە اسىردىم دەپ ەسەپتەيمٸن. ەگەر ەرٸپتەستەرٸم تەجٸريبەم مەن كٶزقاراسىم ەلٸ دە قاجەت دەپ ساناسا, ونى تالقىلاۋعا دايىنمىن. بٸراق قۇرىلتاي قۇرامىنا ەنبەي قالسام دا, ەشقانداي پروبلەما جوق», – دەدٸ پەرۋاشەۆ مەجٸلٸس كۋلۋارىندا.
دەپۋتات پارتيياداعى جاس ەرٸ تەجٸريبەلٸ كادرلارعا مٷمكٸندٸك بەرۋ قاجەت ەكەنٸن اتاپ ٶتتٸ.
«پارتييادا مەنەن بۇرىننان كەلە جاتقان, بٸراق ەلٸ كٷنگە دەيٸن پارلامەنت دەپۋتاتى بولماعان ازاماتتار كٶپ», – دەدٸ ول.
جۋرناليستەردٸڭ «اق جول» پارتيياسى تٶراعالىعىنان كەتۋ سەبەپتەرٸ تۋرالى سۇراعىنا جاۋاپ بەرگەن پەرۋاشەۆ بۇل شەشٸمگە ەموتسييا ەمەس, الدىن الا جوسپارلانعان ٶزگەرٸستەر ەسەر ەتكەنٸن ايتتى.
«شىنىمدى ايتسام, دانييا ەسپاەۆانى وسى قىزمەتكە قاڭتار ايىنان باستاپ دايىندادىق», – دەدٸ مەجٸلٸسمەن.
