Belgili prodiýser Baian Alagózova Merýert Ótekeshovaǵa ómir boiy ai saiyn 1 million teńge kóleminde qarjylai qoldaý kórsetetinin málimdedi, dep habarlaidy Dalanews.kz
Prodiýser bul týraly áleýmettik jelidegi paraqshasynda habarlady.
«Qymbatty Merýert apai, osy tondy Sizge syilyqqa beremin, men ony mahabbatpen tańdadym, sizge unaidy dep senemin. Osy filmdegi rólińiz úshin, qazaq mádenietine qosqan úlesińiz úshin alǵys aita otyryp, óz atymnan jáne joldasymnyń atynan ómir boiyna ai saiyn 1 mln teńge berip otyramyz», – dedi Baian Alagózova.
Baian Maqsatqyzy bul qoldaýyn nelikten kópshilikke jariia etkenin de túsindire ketti. Ol el mádenietine úles qosqan kóptegen óner adamdary ýaqyt óte kele nazardan tys qalyp jatatynyn aityp, osylaisha metsenattardy shyǵarmashylyq ielerine qoldaý kórsetýge shaqyratynyn jetkizdi.
Sondai-aq ol Merýert Ótekeshovany «máńgi Qyz Jibek» ári qazaq qyzdarynyń simvoly dep atap, kelesi jyly ótetin Qazaq Arýy baiqaýyna qurmetti qonaq retinde shaqyrdy.
