Astanada «Zań men tártip» qaǵidatyn iske asyrý aiasynda qala ákiminiń orynbasary Erik Meiirhannyń tóraǵalyǵymen nashaqorlyq pen esirtki biznesine qarsy is-qimylǵa baǵyttalǵan memlekettik organdardyń qyzmetin úilestirý jónindegi vedomstvoaralyq shtabtyń otyrysy ótti, dep habarlaidy Dalanews.kz.
Kezdesý barysynda vedomstvoaralyq shtabtyń osy jyldyń birinshi toqsanyndaǵy jumysynyń qorytyndylary shyǵarylyp, aldaǵy kezeńge arnalǵan mindetter, sondai-aq atqarýshylyq tártipti kúsheitý máseleleri aityldy.
«Qazirgi jaǵdaida esirtki zattarynyń 90%-y bailanyssyz tásilmen satylady, sondyqtan biz esirtki qylmysyna qarsy is-qimyl tásilderin ózgertip, onlain-satý arnalarynyń jolyn kesýge jáne anyqtaýǵa basymdyq berip otyrmyz. 562 esirtki saity buǵattaýǵa jiberildi, olardyń ishinde jastar arasynda keń taralǵandary da bar, kúmándi operatsiialary bar 378 karta buǵattaldy. 369 oqiǵa anyqtaldy, onyń ishinde 125 satý faktisi bar. Zańsyz ainalymnan 45 kg 521 gr túrli esirtki zattary, onyń ishinde 15 kg «sintetika» tárkilendi. Esirtkini jarnamalaý boiynsha 4 qylmystyq is qozǵaldy, 75-ten astam esirtki graffitii óshirildi. «Kúldirýshi gazdy» paidalanýǵa qatysty (QR QK-niń 301-baby) 20 qylmystyq is qozǵaldy, zańsyz ainalymnan 70-ten astam ballon tárkilendi», – dep habarlady Astana qalasy Politsiia departamentiniń esirtki qylmysyna qarsy is-qimyl basqarmasynyń bastyǵy Maqsat Abiken.
«Aqparattyq-túsindirý jumysyn, eń aldymen jastar arasynda kúsheitý qajet, ásirese demalys kezeńi jaqyndap keledi. Osy jazda elordada sporttyq, kibersporttyq baǵyttaǵy kóptegen buqaralyq is-shara ótedi, olardyń aiasynda jastardyń keń aýqymyn qamtityn iri esirtki qylmysyna aktsiialar uiymdastyrýǵa bolady», – dedi Astana qalasy ákiminiń orynbasary Erik Meiirhan.
Sondai-aq ol esirtki biznesine qarsy kúres úshin IT-tehnologiialardy damytý qajettigin atap ótti, onyń ishinde: qala kóshelerinde esirtki jasyryp ketýshilerdi jáne esirtki graffitiin salýshylardy anyqtaý úshin.
Otyrys barysynda sondai-aq mektep oqýshylary men stýdentterdi eńbek jáne qoǵamdyq qyzmetke tartý, elordanyń qoǵamdyq kólik júrgizýshilerin esirtki qoldanýǵa júieli túrde testileýmen qamtý máseleleri qaraldy.
