استانادا «زاڭ مەن ءتارتىپ» قاعيداتىن ىسكە اسىرۋ اياسىندا قالا اكىمىنىڭ ورىنباسارى ەرىك مەيىرحاننىڭ توراعالىعىمەن ناشاقورلىق پەن ەسىرتكى بيزنەسىنە قارسى ءىس-قيمىلعا باعىتتالعان مەملەكەتتىك ورگانداردىڭ قىزمەتىن ۇيلەستىرۋ جونىندەگى ۆەدومستۆوارالىق شتابتىڭ وتىرىسى ءوتتى، دەپ حابارلايدى Dalanews.kz.

كەزدەسۋ بارىسىندا ۆەدومستۆوارالىق شتابتىڭ وسى جىلدىڭ ءبىرىنشى توقسانىنداعى جۇمىسىنىڭ قورىتىندىلارى شىعارىلىپ، الداعى كەزەڭگە ارنالعان مىندەتتەر، سونداي-اق اتقارۋشىلىق ءتارتىپتى كۇشەيتۋ ماسەلەلەرى ايتىلدى.

«قازىرگى جاعدايدا ەسىرتكى زاتتارىنىڭ 90%-ى بايلانىسسىز تاسىلمەن ساتىلادى، سوندىقتان ءبىز ەسىرتكى قىلمىسىنا قارسى ءىس-قيمىل تاسىلدەرىن وزگەرتىپ، ونلاين-ساتۋ ارنالارىنىڭ جولىن كەسۋگە جانە انىقتاۋعا باسىمدىق بەرىپ وتىرمىز. 562 ەسىرتكى سايتى بۇعاتتاۋعا جىبەرىلدى، ولاردىڭ ىشىندە جاستار اراسىندا كەڭ تارالعاندارى دا بار، كۇماندى وپەراسيالارى بار 378 كارتا بۇعاتتالدى. 369 وقيعا انىقتالدى، ونىڭ ىشىندە 125 ساتۋ فاكتىسى بار. زاڭسىز اينالىمنان 45 كگ 521 گر ءتۇرلى ەسىرتكى زاتتارى، ونىڭ ىشىندە 15 كگ «سينتەتيكا» تاركىلەندى. ەسىرتكىنى جارنامالاۋ بويىنشا 4 قىلمىستىق ءىس قوزعالدى، 75-تەن استام ەسىرتكى گراففيتيى ءوشىرىلدى. «كۇلدىرۋشى گازدى» پايدالانۋعا قاتىستى (ق ر قك-نىڭ 301-بابى) 20 قىلمىستىق ءىس قوزعالدى، زاڭسىز اينالىمنان 70-تەن استام باللون تاركىلەندى»، – دەپ حابارلادى استانا قالاسى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى ماقسات ابيكەن.

«ءاقپاراتتىق-تۇسىندىرۋ جۇمىسىن، ەڭ الدىمەن جاستار اراسىندا كۇشەيتۋ قاجەت، اسىرەسە دەمالىس كەزەڭى جاقىنداپ كەلەدى. وسى جازدا ەلوردادا سپورتتىق، كيبەرسپورتتىق باعىتتاعى كوپتەگەن بۇقارالىق ءىس-شارا وتەدى، ولاردىڭ اياسىندا جاستاردىڭ كەڭ اۋقىمىن قامتيتىن ءىرى ەسىرتكى قىلمىسىنا اكسيالار ۇيىمداستىرۋعا بولادى»، – دەدى استانا قالاسى اكىمىنىڭ ورىنباسارى ەرىك مەيىرحان.

سونداي-اق ول ەسىرتكى بيزنەسىنە قارسى كۇرەس ءۇشىن IT-تەحنولوگيالاردى دامىتۋ قاجەتتىگىن اتاپ ءوتتى، ونىڭ ىشىندە: قالا كوشەلەرىندە ەسىرتكى جاسىرىپ كەتۋشىلەردى جانە ەسىرتكى گراففيتيىن سالۋشىلاردى انىقتاۋ ءۇشىن.

وتىرىس بارىسىندا سونداي-اق مەكتەپ وقۋشىلارى مەن ستۋدەنتتەردى ەڭبەك جانە قوعامدىق قىزمەتكە تارتۋ، ەلوردانىڭ قوعامدىق كولىك جۇرگىزۋشىلەرىن ەسىرتكى قولدانۋعا جۇيەلى تۇردە تەستىلەۋمەن قامتۋ ماسەلەلەرى قارالدى.