Qazaqstanda azamattardy sottan tys bankrot dep taný tártibi jeńildetildi. Jańa erejege sáikes, endi bul rásimnen Tazalau júiesi arqyly ótýge bolady, dep habarlaidy Dalanews.kz.
Jańartylǵan talaptarǵa sai, jedeldetilgen bankrottyq rásimi engizildi. Endi kei azamattar bir ai ishinde bankrottyq protsedýrasyn bastai alady. Bul múmkindik bereshek kólemi 1600 ailyq eseptik kórsetkishten aspaǵan jaǵdaida qoldanylady. 2026 jylǵy esep boiynsha bul shamamen 6,9 mln teńge. Sonymen qatar, qaryz bes jyldan astam ýaqyt boiy ótelmegen bolýy tiis.
Al ózge ótinish berýshiler úshin sottan tys bankrottyqtyń standartty tártibi saqtalady. Bul rásim burynǵydai alty aiǵa deiin sozylady.
Sondai-aq áleýmettik osal toptarǵa jatatyn azamattar úshin talaptar jeńildetildi. Endi ataýly áleýmettik kómek alýshylar da ótinish bere alady. Budan bólek, bes jyldan astam merzimi ótken bereshegi bar adamdarǵa da osy múmkindik qarastyrylǵan.
Aita keteiik, sáýirdegi aqparat boiynsha,Qazaqstanda 170 myńǵa jýyq azamat bankrot dep tanylǵan. Qarjy naryǵyn retteý jáne damytý agenttiginiń tóraiymy Mádina Ábilqasymovanyń sózinshe, qarjylai qiyndyqqa tap bolyp, tólem qabiletin qalpyna keltirýge muqtaj azamattardyń sany budan áldeqaida kóp. Qazirgi tańda 500 myńnan astam adamnyń nesie tóleý merzimi eki jyldan bes jylǵa deiin keshiktirilgen.
