Birneshe kúnnen beri Qyrǵyzstanda saiasi jait bolyp, BAQ-ta qyzý talqyǵa tústi. Mysaly 9 qańtarda Jogorký Kenesh depýtaty Emil Jamǵyrshiev ekinshi qabattyń terezesinen sekirip, parlament ǵimaratynan qashyp ketken. Sebebi depýtattar shekarany zańsyz kesip ótý týraly is boiynsha Jamǵyrshievti qylmystyq jaýapkershilikke tartýǵa kelisim bergen bolatyn.
Odan bólek, 15 qańtarda eldegi iri BAQ-tyń biri 24.kg redaktsiiasynda tintý jumystary júrip, basylym basshylary politsiia bólimshesine shaqyryp, jaýap alynǵan. Sol kúni el prezidenti Sadyr Japarov suhbat berip, búginde elde bilikti aýystyrýǵa esh negiz joǵyn aitqan bolatyn.
Jergilikti saiasattanýshy Igor Shestakov osy jaittarǵa qatysty óz oiyn aitty. Onyń sózinshe, Qyrǵyzstan úshin qazirgi parlamentshilerge qatysty zańsyz áreketterdi tergeý jónindegi komissiia jii kezdesetin jaǵdaiǵa ainalǵan. Al Jamǵyrshievke qatysty jaǵdaida eldiń nazary onyń qashyp ketýine aýǵan. Tipti bul túrli memniń paida bolýyna áser etken.
«Eger Jamǵyrshievtiń ómirbaianyna qarasaq, depýtattyq qyzmetine deiin ol ekonomikalyq qylmystarǵa qarsy qyzmette jumys istegen, bálkim sol kezderi Ózbekstanmen, kontrabandamen qandai da bir bailanystary bolǵan shyǵar. Oǵan qatysty tergeý sol jumysymen bailanysty bolýy múmkin. Ne degenmen de depýtattyq qashyp ketkeni bolmasa, aýyz toltyryp aitatyndai jait emes. Jamǵyrshiev artynsha tergeýge aqyry kelip, qamaýǵa alyndy», - deidi Igor Shestakov.
Sonymen qatar, saiasattanýshy eldegi BAQ-tarǵa júrgizilgen tintý jumystaryna qatysty pikir bildirdi. Onyń sózinshe, elde kez kelgen BAQ-qa qarsy jasylǵan kúsh áreketteri qyzý talqyǵa túsip, rezonans týdyrady. Basylymnyń óziniń elde bilikke de, oppozitsiiaǵa da qatysy joq. Ádette ustanymy beitarap bolǵan. Redaktsiia ókilderi keibir jaman niet bildirýshiler tarapynan aiyptaý bolǵanyn málimdeidi. Osyǵan qaramastan, jaýap alǵannan keiin basylym jumysyn jalǵastyrdy.
Sondai-aq, Igor Shestakov el prezidenti Sadyr Japarovtyń málimdemesine qatysty pikir bildirdi. Onyń sózinshe, qazir eldegi biliktiń ózgerýine negiz joq, saiasattanýshy olardyń ótken revoliýtsiialardan keiin ár kóktem men kúzde paida bolatyn respýblikanyń dástúrli saiasi tolqýlarǵa degen úmitimen bailanysty bolýy múmkin ekenin atap ótti. Ádette osy kezeńde bolatyn árbir iri miting úlken oqiǵalar men bilikti kúshtep ózgertýge tyrysý retinde qabyldanady.
