Asabany ainalańnan izde
...Asaba kóp dedik qoi. Qazir kim asaba emes, tanymal telejúrgizýshilerden bastap, ánshiler, jýrnalister, eń aiaǵy eki aýyz maqal-máteldiń basyn qosyp sóilei alatyn, kópshilik ortada qysylmai, ózin erkin ustai biletin qarapaiym aýyl azamatyna deiin qalyń toidyń ortasynda júr. Kóp bolǵan soń tańdaý jaǵy toi jasaityn adamnyń erkine tietini – zańdylyq. Adamnyń bári de toiym eldikinen erekshe qyzyqty ótsin dep tileidi. Sóitip «tas laqtyrsań asabaǵa tietin» zamanda ózderiniń talǵamyna jaýap bere alatyn asabany izdestiredi.
...Erterekte aýylda sózge ebi bar, asabalyqty jarym-jartylai ǵana bolsa da atqara alatyn bireýdi sailaityn. Esesine ol – seniń aýyldasyń. Toiǵa kelgen bar qonaǵyńdy biledi, kimniń qandai qyzmeti bary, minezi qandai, artyqshylyq-kemshiligi – bári-bári kókireginde sairap turǵandyqtan improvizatsiialyq qabileti óz-ózinen jumys istep ketedi de, toidy anaǵurlym qyzyqty, kúlkili, kóńildi ótkizetin. Bastysy, shynaiylyqtyń iisi ańqyp turatyn. Toidan demalyp tarqasatynbyz.
Al qazir she? Qazirgi toi ieleri toiyn basqarýǵa tanymal ázil-syqaq teatrlarynyń ártisterin shaqyrýǵa tyrysady. Bul endi «toiym qyzyqty ótsin» degennen góri, «toiym arqyly biraz abyroi jinap alaiyn» deitin adamnyń pendeýi áreketine kóbirek uqsaidy. Óitkeni olar kóbine ózderiniń jattandy stsenariilerin sýdyratyp aityp óte shyǵady da, kelisken býda-býda aqshany qaltasyna salyp alyp, qarasyn batyrady. Olai deitinim, ondai tanymal asabalar seniń eshqandai jekjatyńdy da, dosyńdy da tanymaidy, tanymaǵan soń tilek aitatyn adamnyń bolmysyna, tabiǵatyna laiyqtap, keltirip maqtaý sóz aita almaidy. Pálenbai toida aitylyp, jurttyń qulaǵyn sarsyltqan maqal-mátelderi men taqpaqtaryn «tógip-tógip» jibergende toidan qashyp ketkiń keledi. Toi toi emes, resmi jiynǵa ainalyp ketedi.
Osyǵan bailanysty aitarym, asabany óz ainalańnan izdegen durys. Ózińdi jaqsy tanityn, syr alysyp, syr berisken, «toiyn nashar basqarsam keiin kóshede kórsem uialyp qalamyn-aý» dep qysylatyn adamdy sailaǵanyńyz maqulyraq. Dál osylai jasasańyz – toiyńyz qyzyqty ótedi.
M. ORAZTAIULY.
Derekkózi: zamana.kz
