Oblys ákimi Janseiit Túimebaev jyl basynda Túrkistanǵa jasaǵan jumys sapary barysynda jańa shaǵyn aýdanynyń qurylysyn sapaly ári merzimdi júrgizilýine mán berýdi tapsyrǵan bolatyn. Óńir basshysynyń tapsyrmasyn taǵy bir pysyqtap shyqqan qala ákimi ár qaisysy 60 páterlik 8 úiden bólek biyl munda taǵy da 6 úidiń qurylysy bastalatynyn aitty.
«Keler jyly munda 20 kópqabatty turǵyn úi salynsa, odan bólek 150 kottedj boi túzeitin bolady. Munda qonystanǵan otbasylardyń balalary úshin qazirgi kúnde balabaqsha, mektep máselesi týyndap otyr. Biz máseleniń túiinin memlekettik jekemenshik áriptestik aiasynda sheshýdi josparlap otyrmyz», - dedi Túrkistan qalasynyń ákimi Álipbek Óserbaev.
Taiaý kúnderi «Otyrar» shaǵyn aýdanynan 280 oryndyq balabaqsha qurylysy bastalady dep kútilýde. Al keler jyly jańa mektep ǵimaratyn salý josparda bar. Bul qurylystardan basqa aýdanda 200 oryndyq balalarǵa arnalǵan psihologiialyq-túzetý ortalyǵy boi kóteretin bolady. Qalanyń ákimshilik iskerlik ortalyǵy da osy shyǵys bólikten salynbaq.
