Aqtóbede Qarakesek laqapatymen tanylǵan reperge sot úkimi shyqty, dep habarlaıdy Dalanews.kz.
Sot 31 jastaǵy reper Omar Amanbaevty psıhotrop zatty zańsyz saqtaǵany úshin kináli dep tanydy.
Ol sot otyrysyna májbúrli túrde jetkizilgen. Sońǵy sózinde aıyptalýshy óz kinásin tolyq moıyndap, jasaǵan isine ókinetinin aıtyp, bas bostandyǵynan aıyrmaýdy surady. Onyń ornyna em qabyldaýǵa múmkindik berýdi ótingen. Sondaı-aq, aıyppul nemese qoǵamdyq jumys túrindegi jaza taǵaıyndaýdy suraǵan.
Mýzykanttyń aıtýynsha, ol tórt bala tárbıelep otyr jáne mamandardyń kómegine muqtaj.
№2 Aqtóbe qalalyq sotynyń sýdıasy reper psıhotrop zatty ótkizý maqsatynsyz zańsyz saqtaǵany úshin kináli dep tanylǵanyn málimdedi.
Sot sheshimimen oǵan 100 saǵat qoǵamdyq jumys jazasy taǵaıyndaldy.
