Pavlodar oblysynda prokýratýra aliment tólemegen boryshkerlerdi jaýapkershilikke tartyp, qaryzdy óndirý jumystaryn kúsheitip jatyr. Tek qańtar aiynda aliment tóleýden ádeii jaltarǵany úshin úsh azamat sotpen kináli dep tanyldy. Taǵy jeti qylmystyq is boiynsha tergeý júrgizilip jatyr, dep habarlaidy Dalanews.kz.
FBRK telegram arnasynyń málimetinshe, prokýratýra aliment tólemeitinderge qatysty birqatar shara qoldanýda. Olardyń qatarynda shetelge shyǵýǵa shekteý qoiý, ákimshilik jáne qylmystyq jaýapkershilikke tartý, sondai-aq tsifrlyq izdestirý bar.
Prokýratýra málimetinshe, bir boryshker úsh jyl boiy tólemnen jaltaryp, tabysyn jasyrǵan. Sonyń saldarynan úsh kámeletke tolmaǵan balasyna 2,2 mln teńge qaryz jinaǵan. Ekinshi boryshker alty jyldan astam ýaqyt aliment tólemegen. Jumysqa ornalasý múmkindigi bola tura, onyń qaryzy 4 mln teńgeden asqan.
Úsh azamattyń barlyǵy Qylmystyq kodekstiń 139-baby boiynsha sottaldy. Qazirgi ýaqytta taǵy jeti qylmystyq is boiynsha sotqa deiingi tergeý jalǵasýda.
Sonymen qatar aliment qarajatyna qatysty zańbuzýshylyqtar da anyqtalǵan. Qarasha aiynda Bas prokýratýra jeke sot oryndaýshysynyń aliment aqshasyn jymqyrǵanyn habarlaǵan. Ol jarty jyl boiy boryshkerlerden túsken tólemderdi jeke qajetine jumsaǵan. Nátijesinde 34 balaǵa 1,2 mln teńge kóleminde ziian keltirilgen.
Sol kezde Almatyda aliment óndirýge bailanysty alty is boiynsha jeke sot oryndaýshylarynyń zańbuzýshylyqtary anyqtaldy. Al Mańǵystaý oblysynda sot oryndaýshysy óndirip alýshynyń ótinishin qoldan jasap, shekteýdi zańsyz alyp tastaǵany úshin boryshkerden aqsha alǵan.
