Almaty oblysyndaǵy «Firma-Bent» JShS zaýytynda QR Premer-Ministriniń orynbasary – Mádeniet jáne aqparat ministri Aida Balaevanyń tóraǵalyǵymen «Ádiletti jáne Progressivti Qazaqstannyń Halyqtyq Konstitýtsiiasy úshin» Jalpyulttyq koalitsiia músheleriniń eńbek ujymymen kezdesýi ótti, dep habarlaidy Dalanews.kz.
Jiyn Jańa Konstitýtsiia jobasy men aldaǵy 15 naýryzda ótetin respýblikalyq referendýmǵa arnaldy. Kezdesýge QR Parlamenti Májilisiniń depýtattary Maqsat Tolyqbai, Janarbek Áshimjanov jáne Sergei Ponomarev, qoǵamdyq institýttar men áleýmettik qoldaý júiesiniń, bilim berý salasynyń ókilderi, jastar uiymdary men óńirlik aktiv músheleri qatysty.
Zaýyt qyzmetkerleri aldynda sóz sóilegen Aida Balaeva Koalitsiianyń barlyq óńirlerde júieli túsindirý jumystaryn júrgizip jatqanyn atap ótti. Onyń aitýynsha, Koalitsiia músheleri kásiporyndar men eńbek ujymdaryna arnaiy baryp, Jańa Konstitýtsiia jobasyn azamattarmen tikelei talqylaýdy maqsat etip otyr. Usynylyp otyrǵan Ata Zańnyń jańa redaktsiiasy qoǵamnyń ádilettilik pen aiqyn erejelerge degen suranysyn tolyq eskeredi. Al, qujattyń túpki logikasy azamattardyń múddesin qorǵaýǵa baǵyttalǵan.
«Biz sizderge Jańa Konstitýtsiia jobasynyń máni men aldaǵy referendýmnyń mańyzyn túsindirý úshin keldik. Jańa Konstitýtsiiany halyqtyq dep ataýǵa tolyq negiz bar. Óitkeni túzetýler qoǵamnyń túrli ókilderiniń – zańgerlerdiń, sarapshylardyń, Senat pen Májilis depýtattarynyń qatysýymen ázirlendi. Eń bastysy, azamattarymyzdan onlain formatta jáne tikelei joldanǵan usynystar negizinde qalyptasty. Sondai-aq jobada eńbek quqyqtaryn qorǵaý, óndiristegi qaýipsiz eńbek jaǵdailaryn qamtamasyz etý jónindegi normalardyń bekitilgenin erekshe atap ótkim keledi. Sebebi qoldanystaǵy da, jańa Konstitýtsiiadaǵy da eń basty qundylyq – adam ómiri. Biz qaýipsiz ómir, qaýipsiz qoǵam jáne qaýipsiz óndiris týraly aitýymyz kerek», – dedi Premer-Ministrdiń orynbasary.
Májilis depýtaty Janarbek Áshimjanov Jańa Konstitýtsiia jobasyn ázirleý jumysynyń aýqymy men onyń qoǵamdyq sipatyna erekshe toqtaldy.
«Bul qujat ózdiginen paida bolǵan joq. Onyń ázirlenýine úzdik ǵalymdar, zańgerler, ekonomister men sarapshylar, táýlik boiy normalardy taldap, salystyrǵan jańa býyn kásibi mamandar qatysty. Joba qoǵamdyq talqylaýǵa shyǵarylyp, jariialandy, mediakeńistikte jáne áleýmettik jelilerde keńinen sarapqa salyndy. Sondyqtan, menińshe, bul – azamattardyń senimin nyǵaityp, otbasy men balalyq shaqtan bastap ádildik pen júieniń ashyqtyǵyna deiingi negizgi quqyqtardy tiimdi qorǵaýǵa qabiletti qujat», – dedi Janarbek Áshimjanov.
Kezdesý barysynda eńbek ujymynyń ustanymyn kásiporyn tehnology Galina Sýharebreva bildirip, konstitýtsiialyq normalardyń kadr daiarlaý júiesimen jáne jumysshy mamandyqtardy qoldaý sharalarymen ózara tyǵyz bailanysyna nazar aýdardy.
«Biz úshin adami áleýet – jai uran emes. Qandai óndiris bolmasyn, bilim men innovatsiiasyz onyń damýy múmkin emes. Biz ózgeristerdi qoldaimyz jáne adami áleýetke arnalǵan bólimde jumysshy mamandyq ieleri men orta tehnikalyq bilim berý máselesiniń de kórinis tabýy mańyzdy dep sanaimyz. Memleket elge bilikti mamandar daiarlap, jastardy qoldaý kórsetedi. Olar kásip meńgerip, óz isiniń naǵyz kásibi sheberine ainalýda», – dedi Galina Sýharebreva.
Munan soń Jalpyulttyq koalitsiia ókilderi otandyq zaýyttyń jumysymen jáne óndiriste zamanaýi tehnologiialardyń engizilý barysymen tanysty. Kezdesý sońynda Aida Balaeva eńbek ujymymen jeke áńgimelesip, qoiylǵan suraqtarǵa jaýap berdi. Sondai-aq, azamattardyń Ata Zańnyń bolashaǵyna qatysty sheshim qabyldaýǵa tikelei qatysýynyń negizgi tetigi referendým ekenin aitty.
