Prezıdent Qasym-Jomart Toqaev Vashıngtonǵa jumys saparymen bardy, dep habarlaıdy Dalanews.kz.
Sapar aıasynda Memleket basshysy Beıbitshilik keńesiniń alǵashqy otyrysyna qatysyp, birqatar eldiń kóshbasshylarymen, sondaı-aq, AQSH-tyń resmı tulǵalarymen kezdesý ótkizedi.
Vashıngtonda Prezıdent Qasym-Jomart Toqaev Amerıka Qurama Shtattarynda turatyn jáne bilim alyp júrgen Qazaqstan azamattarymen kezdesti.
Áńgimelesý barysynda Qasym-Jomart Toqaev óskeleń urpaqqa úlken úmit artatynyn aıtty. Sondaı-aq, memleket jastarǵa udaıy qoldaý kórsetip, olardyń jan-jaqty damýyna jáne qabilet-qarymyn ushtaýǵa qolaıly jaǵdaı jasaıtynyn jetkizdi.
Prezıdent naýryz aıynda Qazaqstan Respýblıkasynyń jańa Konstıtýsıasy jobasy boıynsha ótetin jalpyhalyqtyq referendýmnyń el bolashaǵy úshin tarıhı mańyzy zor ekenine nazar aýdardy. Stýdentter men jas zertteýshiler ǵylym jáne bilim salasyna jan-jaqty qoldaý kórsetkeni úshin Qasym-Jomart Toqaevqa rızashylyq bildirdi.
