Mańǵystaý oblysynda dárigerge qol kóterdi degen azamat áleýmettik jelide video jariialap, aýrýhanada bolǵan jaǵdaiǵa bailanysty úndeý jasady. Jańaózen qalasynyń turǵyny Abdýhalim Jangeldinniń sózinshe, janjalǵa balasyna der kezinde meditsinalyq kómek kórsetilmeýi sebep bolǵan, dep habarlaidy dalanews.kz.
Úsh balanyń ákesi Aqtaý qalasyna eki ai buryn kóship kelgenin jetkizdi. 19 qazanda onyń ekinshi uly Jambyl Ibrahimniń ishi aýyryp, dene qyzýy kóterilgen. Bala toqtaýsyz jylaǵannan keiin ákesi jedel járdem shaqyrǵan.
"Jedel járdem qyzmetkerleri balanyń dene qyzýyn ólshegende 39 gradýsty kórsetti. Olar soqyrishek bolýy múmkin ekenin aityp, bizdi aýrýhanaǵa alyp keldi", – deidi ol.
Azamattyń aitýynsha, aýrýhanada balany hirýrg qabyldaǵan. Alaida dene qyzýyn qaita ólsheý úshin shamamen jarty saǵat kútýge týra kelgen.
"Balam ishin ustap, toqtaýsyz shyńǵyryp jylap jatty. Dárigerden gradýsnikti qashan alatynyn suraǵanymda, ol áli qoimaǵanyn aitty. Taǵy 15–20 minýttan keiin ǵana temperatýrasyn ólshedi. Kórsetkish áli de 39 gradýs boldy", – dep baiandady Abdýhalim Jangeldin.
Ákeniń málimdeýinshe, balanyń ishi ótip, qusyp, jaǵdaiy nasharlai túsken. Ol dárigerlerden taldaý alýdy suraǵanymen, oǵan da bir saǵattai ýaqyt ketkenin alǵa tartty. Onyń sózinshe, qan taldaýynda leikotsit kórsetkishi 21,5 bolǵan.
"Balam qatty qinalyp jatty. Dárigerlerden kómektesýlerin surap, jalynyp, jylaýǵa deiin bardym. Balam shyńǵyryp jatqanda, men mamandardyń artynan júgirip júrdim. Bir ýkol salyp, keiin eshkimdi taba almai qaldym", – deidi azamat.
Onyń aitýynsha, keshki saǵat 18:00–19:00 shamasynda dárigerler hirýrgiialyq derttiń belgileri anyqtalmaǵanyn aityp, úiine qaitý jóninde qujat bergen. Alaida ákesi balasynyń jaǵdaiyna alańdap, aýrýhanadan ketpegen.
"Balamdy jatqyzýdy suradym, biraq ótinishim oryndalmady. Dene qyzýy da túsken joq. Túngi saǵat 23:00 shamasyna deiin aýrýhanada júrdik. Bizge eshkim tiisti deńgeide nazar aýdarmady", – dedi ol.
Abdýhalim Jangeldin qolyndaǵy meditsinalyq qujattar men ózge de dálelderdi jariialaýǵa daiyn ekenin málimdedi.
Aita keteiik, buǵan deiin áleýmettik jelide Aqtaýdaǵy Mańǵystaý oblystyq kópbeiindi balalar aýrýhanasynyń qabyldaý bóliminde er adamnyń kezekshi hirýrgke kúsh kórsetken sáti túsirilgen video taraǵan. Aýrýhana ókilderiniń málimetinshe, dáriger balany tekserip, statsionarǵa jatqyzýǵa meditsinalyq negiz joq ekenin túsindirgen. Osydan keiin naýqastyń ákesi ústeldi teýip, hirýrgtiń jaǵasynan alyp, moinynan qysqan. Olardy sol jerde bolǵan adamdar ajyratqan. Mańǵystaý oblystyq politsiia departamenti 31 qazanda bolǵan janjalǵa bailanysty qylmystyq is qozǵalǵanyn málimdedi.
