ماڭعىستاۋ وبلىسىندا دەرٸگەرگە قول كٶتەردٸ دەگەن ازامات ەلەۋمەتتٸك جەلٸدە ۆيدەو جارييالاپ, اۋرۋحانادا بولعان جاعدايعا بايلانىستى ٷندەۋ جاسادى. جاڭاٶزەن قالاسىنىڭ تۇرعىنى ابدۋحاليم جانگەلديننٸڭ سٶزٸنشە, جانجالعا بالاسىنا دەر كەزٸندە مەديتسينالىق كٶمەك كٶرسەتٸلمەۋٸ سەبەپ بولعان, دەپ حابارلايدى dalanews.kz.
ٷش بالانىڭ ەكەسٸ اقتاۋ قالاسىنا ەكٸ اي بۇرىن كٶشٸپ كەلگەنٸن جەتكٸزدٸ. 19 قازاندا ونىڭ ەكٸنشٸ ۇلى جامبىل يبراحيمنٸڭ ٸشٸ اۋىرىپ, دەنە قىزۋى كٶتەرٸلگەن. بالا توقتاۋسىز جىلاعاننان كەيٸن ەكەسٸ جەدەل جەردەم شاقىرعان.
"جەدەل جەردەم قىزمەتكەرلەرٸ بالانىڭ دەنە قىزۋىن ٶلشەگەندە 39 گرادۋستى كٶرسەتتٸ. ولار سوقىرٸشەك بولۋى مٷمكٸن ەكەنٸن ايتىپ, بٸزدٸ اۋرۋحاناعا الىپ كەلدٸ", – دەيدٸ ول.
ازاماتتىڭ ايتۋىنشا, اۋرۋحانادا بالانى حيرۋرگ قابىلداعان. الايدا دەنە قىزۋىن قايتا ٶلشەۋ ٷشٸن شامامەن جارتى ساعات كٷتۋگە تۋرا كەلگەن.
"بالام ٸشٸن ۇستاپ, توقتاۋسىز شىڭعىرىپ جىلاپ جاتتى. دەرٸگەردەن گرادۋسنيكتٸ قاشان الاتىنىن سۇراعانىمدا, ول ەلٸ قويماعانىن ايتتى. تاعى 15–20 مينۋتتان كەيٸن عانا تەمپەراتۋراسىن ٶلشەدٸ. كٶرسەتكٸش ەلٸ دە 39 گرادۋس بولدى", – دەپ باياندادى ابدۋحاليم جانگەلدين.
ەكەنٸڭ مەلٸمدەۋٸنشە, بالانىڭ ٸشٸ ٶتٸپ, قۇسىپ, جاعدايى ناشارلاي تٷسكەن. ول دەرٸگەرلەردەن تالداۋ الۋدى سۇراعانىمەن, وعان دا بٸر ساعاتتاي ۋاقىت كەتكەنٸن العا تارتتى. ونىڭ سٶزٸنشە, قان تالداۋىندا لەيكوتسيت كٶرسەتكٸشٸ 21,5 بولعان.
"بالام قاتتى قينالىپ جاتتى. دەرٸگەرلەردەن كٶمەكتەسۋلەرٸن سۇراپ, جالىنىپ, جىلاۋعا دەيٸن باردىم. بالام شىڭعىرىپ جاتقاندا, مەن مامانداردىڭ ارتىنان جٷگٸرٸپ جٷردٸم. بٸر ۋكول سالىپ, كەيٸن ەشكٸمدٸ تابا الماي قالدىم", – دەيدٸ ازامات.
ونىڭ ايتۋىنشا, كەشكٸ ساعات 18:00–19:00 شاماسىندا دەرٸگەرلەر حيرۋرگييالىق دەرتتٸڭ بەلگٸلەرٸ انىقتالماعانىن ايتىپ, ٷيٸنە قايتۋ جٶنٸندە قۇجات بەرگەن. الايدا ەكەسٸ بالاسىنىڭ جاعدايىنا الاڭداپ, اۋرۋحانادان كەتپەگەن.
"بالامدى جاتقىزۋدى سۇرادىم, بٸراق ٶتٸنٸشٸم ورىندالمادى. دەنە قىزۋى دا تٷسكەن جوق. تٷنگٸ ساعات 23:00 شاماسىنا دەيٸن اۋرۋحانادا جٷردٸك. بٸزگە ەشكٸم تيٸستٸ دەڭگەيدە نازار اۋدارمادى", – دەدٸ ول.
ابدۋحاليم جانگەلدين قولىنداعى مەديتسينالىق قۇجاتتار مەن ٶزگە دە دەلەلدەردٸ جارييالاۋعا دايىن ەكەنٸن مەلٸمدەدٸ.
ايتا كەتەيٸك, بۇعان دەيٸن ەلەۋمەتتٸك جەلٸدە اقتاۋداعى ماڭعىستاۋ وبلىستىق كٶپبەيٸندٸ بالالار اۋرۋحاناسىنىڭ قابىلداۋ بٶلٸمٸندە ەر ادامنىڭ كەزەكشٸ حيرۋرگكە كٷش كٶرسەتكەن سەتٸ تٷسٸرٸلگەن ۆيدەو تاراعان. اۋرۋحانا ٶكٸلدەرٸنٸڭ مەلٸمەتٸنشە, دەرٸگەر بالانى تەكسەرٸپ, ستاتسيونارعا جاتقىزۋعا مەديتسينالىق نەگٸز جوق ەكەنٸن تٷسٸندٸرگەن. وسىدان كەيٸن ناۋقاستىڭ ەكەسٸ ٷستەلدٸ تەۋٸپ, حيرۋرگتٸڭ جاعاسىنان الىپ, موينىنان قىسقان. ولاردى سول جەردە بولعان ادامدار اجىراتقان. ماڭعىستاۋ وبلىستىق پوليتسييا دەپارتامەنتٸ 31 قازاندا بولعان جانجالعا بايلانىستى قىلمىستىق ٸس قوزعالعانىن مەلٸمدەدٸ.
