پرەزيدەنت قاسىم-جومارت توقايەۆ ۆاشينگتونعا جۇمىس ساپارىمەن باردى، دەپ حابارلايدى Dalanews.kz.
ساپار اياسىندا مەملەكەت باسشىسى بەيبىتشىلىك كەڭەسىنىڭ العاشقى وتىرىسىنا قاتىسىپ، ءبىرقاتار ەلدىڭ كوشباسشىلارىمەن، سونداي-اق، اقش-تىڭ رەسمي تۇلعالارىمەن كەزدەسۋ وتكىزەدى.
ۆاشينگتوندا پرەزيدەنت قاسىم-جومارت توقايەۆ امەريكا قۇراما شتاتتارىندا تۇراتىن جانە ءبىلىم الىپ جۇرگەن قازاقستان ازاماتتارىمەن كەزدەستى.
اڭگىمەلەسۋ بارىسىندا قاسىم-جومارت توقايەۆ وسكەلەڭ ۇرپاققا ۇلكەن ءۇمىت ارتاتىنىن ايتتى. سونداي-اق، مەملەكەت جاستارعا ۇدايى قولداۋ كورسەتىپ، ولاردىڭ جان-جاقتى دامۋىنا جانە قابىلەت-قارىمىن ۇشتاۋعا قولايلى جاعداي جاسايتىنىن جەتكىزدى.
پرەزيدەنت ناۋرىز ايىندا قازاقستان رەسپۋبليكاسىنىڭ جاڭا كونستيتۋسياسى جوباسى بويىنشا وتەتىن جالپىحالىقتىق رەفەرەندۋمنىڭ ەل بولاشاعى ءۇشىن تاريحي ماڭىزى زور ەكەنىنە نازار اۋداردى. ستۋدەنتتەر مەن جاس زەرتتەۋشىلەر عىلىم جانە ءبىلىم سالاسىنا جان-جاقتى قولداۋ كورسەتكەنى ءۇشىن قاسىم-جومارت توقايەۆقا ريزاشىلىق ءبىلدىردى.
