Qyzylordada jigitti bir top jasóspirim soqqyǵa jyqqan, dep habarlaıdy Dalanews.kz.

Oqıǵa 18 aqpanda saǵat 21:00 shamasynda bolǵan. Kýágerlerdiń aıtýynsha, bir top jasóspirim jalǵyz jigitke tap berip, ony soqqyǵa jyqqan. Oqıǵadan keıin olar izin sýytqan.

Qyzylorda oblysy Polısıa departamenti málimetinshe, buzaqylyq deregi boıynsha qylmystyq is qozǵalǵan.

"Oqıǵaǵa qatysýshylar jedel túrde anyqtalyp, polısıaǵa jetkizildi. Qazir bolǵan oqıǵanyń barlyq mán-jaıyn jan-jaqty, tolyq anyqtaýǵa baǵyttalǵan tergeý júrgizilip jatyr", - dep jazylǵan habarlamada.

Tergeý qorytyndysy boıynsha prosesýaldyq sheshim qabyldanatyny aıtyldy. Qylmystyq isti tergeý barysy Polısıa departamenti basshylyǵynyń baqylaýynda.