Densaýlyq saqtaý mınıstrliginiń Sanıtarıalyq-epıdemıologıalyq baqylaý komıteti qasıetti Ramazan aıynda aýyzashar kezinde taǵamnan ýlanýdyń aldyn alý boıynsha arnaıy usynymdar jarıalady,dep habarlaıdy Dalanews.kz.

«Ujymdyq jáne otbasylyq aýyzashar ótkizý kezinde taǵam ónimderiniń qaýipsizdik sharalaryn saqtaý mańyzdy», – delingen habarlamada.

Komıtettiń usynymdary:

1.⁠ ⁠Jeke gıgıena talaptary
– tamaq daıyndaý jáne isher aldynda qoldy sabyndap muqıat jýý;
– taza ydys-aıaq pen asúı quraldaryn paıdalaný;
– JRVI, ishek aýrýlary nemese teri irińdi aýrýlary bar adamdardy as ázirleýge jibermeý.

2.⁠ ⁠Azyq-túlik qaýipsizdigi
– ónimderdi tek resmı saýda oryndarynan satyp alý;
– jaramdylyq merzimi men saqtaý sharttaryn tekserý;
– tez buzylatyn taǵamdardy +2+6°C temperatýrada saqtaý;
– shıki jáne daıyn ónimderdi bólek saqtaý.

3.⁠ ⁠Daıyndaý erejeleri
– et, qus, balyq, jumyrtqany tolyq termıalyq óńdeýden ótkizý;
– daıyn taǵamdy bólme temperatýrasynda eki saǵattan artyq qaldyrmaý;
– tıisti saqtaý jaǵdaıynsyz kóp kólemde as ázirlemeý.

4.⁠ ⁠Qaýipsiz sý paıdalaný
– qaınatylǵan nemese bótelkedegi sýdy ishý;
– tekserilmegen sý kózderin qoldanbaý.

5.⁠ ⁠Jappaı aýyzashar uıymdastyrý kezinde
– jetkilikti tońazytqysh jabdyqtaryn qamtamasyz etý;
– taǵam daıyndaý jáne taratý oryndarynda tazalyq saqtaý;
– ónimderdiń aıqas lastanýyna jol bermeý;
– qoǵamdyq tamaqtaný oryndaryn tańdaǵanda tek tekserilgen mekemelerdi paıdalaný.

«Júrek aıný, qusý, ish ótý, ishtiń aýyrýy nemese dene qyzýy kóterilse, dereý medısınalyq kómekke júginý qajet. Osy usynymdardy saqtaý densaýlyqty qorǵaýǵa jáne aýyzashardy qaýipsiz ótkizýge kómektesedi», – dep atap ótti komıtet.

Eske salaıyq, Ramazan aıy 19 aqpanda bastalyp, 19 naýryzǵa deıin jalǵasady.