Almaty oblysy Qarasai aýdanynda qutqarýshylar taýda adasyp ketken jasóspirimdi taýyp, evakýatsiialady. Sonymen qatar, taǵy bir týrist qutqaryldy, dep habarlaidy dalanews.kz.
Qarasai aýdanynda Sátbaev shyńy mańynda (teńiz deńgeiinen 4 317 metr biikte) 2010 jyly týǵan jasóspirimdi izdestirý-qutqarý jumystary júrgizildi.
Aldyn ala málimet boiynsha jasóspirim taýǵa óz betinshe attanǵan. Keiin onymen bailanys úzilgen. Geolokatsiia derek bolmaýy izdestirý jumystaryn qiyndatqan.
"Izdestirý barysynda qutqarýshylar jasóspirimdi Sátbaev shyńynyń soltústik betkeiinen taýyp, ony evakýatsiialaýǵa kiristi. Sonymen qatar, Sátbaev shyńy mańynda, teńiz deńgeiinen shamamen 3 800 metr biiktegi "Lýnnaia poliana" shatyrynan taǵy bir týrist - 18 jastaǵy jigit tabyldy. Onyń boiynan jeńil dárejedegi jalpy gipotermiia belgileri baiqaldy", - dep jazylǵan habarlamada.
Izdestirý-qutqarý jumystaryna jeke quramnyń 114 qyzmetkeri jumyldyrylǵan. Sonymen qatar, operatsiiaǵa "Qazaviaqutqarý" áýe kemesi tartylǵan.
