Salyqshylar sheteldik platformalardy buǵattaý týraly mańyzdy málimdeme jasady, dep habarlaidy Dalanews.kz.
Qazaqstan Respýblikasy Qarjy ministrliginiń Memlekettik kirister komiteti tsifrlyq ekonomika jaǵdaiynda salyq salýdyń ashyqtyǵy men ádildigin qamtamasyz etý baǵytynda júieli jáne belsendi jumys júrgizýde.
2022 jyldan bastap Qazaqstan tsifrlyq qyzmetterge salynatyn salyqty, iaǵni «Google salyǵy» dep atalatyn salyqty tabysty túrde qoldanyp keledi.
«Google salyǵy» engizilgen kezeńnen bastap 120 sheteldik kompaniia tirkeldi, onyń ishinde 2025 jyly - 22 kompaniia. Biýdjetke túsken túsimder kólemi 136 mlrd teńgeni qurady, onyń ishinde 2025 jyly - 57,6 mlrd teńge, 2026 jylǵy qańtar aiynda - 8,7 mlrd teńge.
Qazaqstan Respýblikasynyń Salyq kodeksine sáikes ekinshi deńgeidegi bankter men tólem uiymdary shartty tirkeýden ótken sheteldik kompaniialar boiynsha málimetterdi memlekettik kirister organdaryna usynady. Atalǵan málimetter Qazaqstan Respýblikasynyń aýmaǵynda jeke tulǵalarǵa taýarlardy elektrondyq saýda arqyly ótkizý jáne elektrondyq nysanda qyzmetter kórsetý kezinde salyq mindettemeleriniń tolyqtyǵy men ýaqtyly oryndalýyn taldaý maqsatynda paidalanylady.
Ekinshi deńgeidegi bankterdiń, tólem uiymdarynyń málimetterin jáne sheteldik kompaniialar tólegen QQS somalary týraly derekterdi ózara salystyrý nátijeleri boiynsha memlekettik kirister organdary kameraldyq baqylaý júrgizedi.
Tólemeý nemese tolyq emes tóleý faktileri anyqtalǵan jaǵdaida, kameraldyq baqylaý nátijeleri boiynsha anyqtalǵan alshaqtyqtar týraly habarlamalar qalyptastyrylady.
Sonymen qatar, Qazaqstan Respýblikasy Salyq kodeksiniń 89-babyna sáikes 2026 jylǵy 1 qańtardan bastap kameraldyq baqylaý nátijeleri boiynsha jiberilgen habarlamalardy, sondai-aq qosylǵan qun salyǵy boiynsha tirkeý esebine qoiý týraly habarlamalardy oryndamaǵan sheteldik marketpleisterdiń internet-resýrstaryn buǵattaý týraly sheshim qabyldaýǵa múmkindik beretin normalar kózdelgen.
Atalǵan sharalardy iske asyrý otandyq jáne sheteldik naryq qatysýshylary úshin teń básekelestik jaǵdailardy qamtamasyz etýge, tsifrlyq ortadaǵy salyq tártibin arttyrýǵa, sondai-aq qujattyq salyqtyq tekserýler júrgizbesten kóleńkeli ekonomikanyń úlesin tómendetýge baǵyttalǵan.
