سالىقشىلار شەتەلدٸك پلاتفورمالاردى بۇعاتتاۋ تۋرالى ماڭىزدى مەلٸمدەمە جاسادى, دەپ حابارلايدى Dalanews.kz.
قازاقستان رەسپۋبليكاسى قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ تسيفرلىق ەكونوميكا جاعدايىندا سالىق سالۋدىڭ اشىقتىعى مەن ەدٸلدٸگٸن قامتاماسىز ەتۋ باعىتىندا جٷيەلٸ جەنە بەلسەندٸ جۇمىس جٷرگٸزۋدە.
2022 جىلدان باستاپ قازاقستان تسيفرلىق قىزمەتتەرگە سالىناتىن سالىقتى, ياعني «Google سالىعى» دەپ اتالاتىن سالىقتى تابىستى تٷردە قولدانىپ كەلەدٸ.
«Google سالىعى» ەنگٸزٸلگەن كەزەڭنەن باستاپ 120 شەتەلدٸك كومپانييا تٸركەلدٸ, ونىڭ ٸشٸندە 2025 جىلى - 22 كومپانييا. بيۋدجەتكە تٷسكەن تٷسٸمدەر كٶلەمٸ 136 ملرد تەڭگەنٸ قۇرادى, ونىڭ ٸشٸندە 2025 جىلى - 57,6 ملرد تەڭگە, 2026 جىلعى قاڭتار ايىندا - 8,7 ملرد تەڭگە.
قازاقستان رەسپۋبليكاسىنىڭ سالىق كودەكسٸنە سەيكەس ەكٸنشٸ دەڭگەيدەگٸ بانكتەر مەن تٶلەم ۇيىمدارى شارتتى تٸركەۋدەن ٶتكەن شەتەلدٸك كومپانييالار بويىنشا مەلٸمەتتەردٸ مەملەكەتتٸك كٸرٸستەر ورگاندارىنا ۇسىنادى. اتالعان مەلٸمەتتەر قازاقستان رەسپۋبليكاسىنىڭ اۋماعىندا جەكە تۇلعالارعا تاۋارلاردى ەلەكتروندىق ساۋدا ارقىلى ٶتكٸزۋ جەنە ەلەكتروندىق نىساندا قىزمەتتەر كٶرسەتۋ كەزٸندە سالىق مٸندەتتەمەلەرٸنٸڭ تولىقتىعى مەن ۋاقتىلى ورىندالۋىن تالداۋ ماقساتىندا پايدالانىلادى.
ەكٸنشٸ دەڭگەيدەگٸ بانكتەردٸڭ, تٶلەم ۇيىمدارىنىڭ مەلٸمەتتەرٸن جەنە شەتەلدٸك كومپانييالار تٶلەگەن ققس سومالارى تۋرالى دەرەكتەردٸ ٶزارا سالىستىرۋ نەتيجەلەرٸ بويىنشا مەملەكەتتٸك كٸرٸستەر ورگاندارى كامەرالدىق باقىلاۋ جٷرگٸزەدٸ.
تٶلەمەۋ نەمەسە تولىق ەمەس تٶلەۋ فاكتٸلەرٸ انىقتالعان جاعدايدا, كامەرالدىق باقىلاۋ نەتيجەلەرٸ بويىنشا انىقتالعان الشاقتىقتار تۋرالى حابارلامالار قالىپتاستىرىلادى.
سونىمەن قاتار, قازاقستان رەسپۋبليكاسى سالىق كودەكسٸنٸڭ 89-بابىنا سەيكەس 2026 جىلعى 1 قاڭتاردان باستاپ كامەرالدىق باقىلاۋ نەتيجەلەرٸ بويىنشا جٸبەرٸلگەن حابارلامالاردى, سونداي-اق قوسىلعان قۇن سالىعى بويىنشا تٸركەۋ ەسەبٸنە قويۋ تۋرالى حابارلامالاردى ورىنداماعان شەتەلدٸك ماركەتپلەيستەردٸڭ ينتەرنەت-رەسۋرستارىن بۇعاتتاۋ تۋرالى شەشٸم قابىلداۋعا مٷمكٸندٸك بەرەتٸن نورمالار كٶزدەلگەن.
اتالعان شارالاردى ٸسكە اسىرۋ وتاندىق جەنە شەتەلدٸك نارىق قاتىسۋشىلارى ٷشٸن تەڭ بەسەكەلەستٸك جاعدايلاردى قامتاماسىز ەتۋگە, تسيفرلىق ورتاداعى سالىق تەرتٸبٸن ارتتىرۋعا, سونداي-اق قۇجاتتىق سالىقتىق تەكسەرۋلەر جٷرگٸزبەستەن كٶلەڭكەلٸ ەكونوميكانىڭ ٷلەسٸن تٶمەندەتۋگە باعىتتالعان.
