Aqtaýda polıseıler sýǵa batyp bara jatqan jasóspirimdi qutqaryp qaldy, dep habarlaıdy Dalanews.kz.
Búgin saǵat 11:09 shamasynda Aqtaýda teńiz jaǵalaýynda polısıa qyzmetkerlerine teńiz ortasyna qaraı bet alǵan jasóspirim týraly habar túsken.
"Oqıǵa ornyna dereý jetken patrúldik polısıa batalónynyń qyzmetkerleri - polısıa aǵa leıtenanty Abdýrahım Sáteshov jáne polısıa kishi leıtenanty Azamat Qarabalaev jaǵdaıdyń asa qaýipti ekenin baǵalap, bir sát te kidirmesten teńizge sekirip, balany jaǵaǵa alyp shyqty", - dedi İİM ókili.
Qazir jasóspirimniń jaǵdaıy qanaǵattanarlyq, ómiri men densaýlyǵyna qaýip joq. Jasóspirimmen profılaktıkalyq áńgime júrgizilip jatyr.
