Qazaqstanda jeke detektivterdiń qyzmetin zańdastyrý máselesi qarastyrylyp jatyr. Májiliste elde jeke detektivtik qyzmet institýtyn qurýdy kózdeitin zań jobasy jumysqa qabyldandy, dep habarlaidy Dalanews.kz.
Depýtat Snejanna Imashevanyń aitýynsha, qujat azamattardyń óz quqyqtary men múddelerin qorǵaý múmkindigin keńeitýge, sondai-aq jeke detektivterdiń qyzmetine naqty quqyqtyq negiz qalyptastyrýǵa baǵyttalǵan.
Zań jobasynda bul qyzmettiń negizgi erejeleri qarastyrylǵan. Atap aitqanda, kimder detektiv bola alatyny, detektivtik agenttikterdiń qalai jumys isteitini, litsenziialaý tártibi jáne memlekettik baqylaý tetikteri kórsetiledi.
Qazir Qazaqstanda jeke detektivterdiń qyzmeti zańmen resmi túrde rettelmegen.
Buǵan deiin Ishki ister ministrligi adamnyń jeke ómirine qatysty aqparatty zańdy negizsiz jinaý nemese bireýdi ańdý jeke ómirge qol suǵýshylyq bolyp sanalatynyn jáne mundai áreketter qylmystyq jaýapkershilikke ákelýi múmkin ekenin túsindirgen.
