قازاقستاندا جەكە دەتەكتيۆتەردىڭ قىزمەتىن زاڭداستىرۋ ماسەلەسى قاراستىرىلىپ جاتىر. ماجىلىستە ەلدە جەكە دەتەكتيۆتىك قىزمەت ينستيتۋتىن قۇرۋدى كوزدەيتىن زاڭ جوباسى جۇمىسقا قابىلداندى، دەپ حابارلايدى Dalanews.kz.
دەپۋتات سنەجاننا يماشيەۆانىڭ ايتۋىنشا، قۇجات ازاماتتاردىڭ ءوز قۇقىقتارى مەن مۇددەلەرىن قورعاۋ مۇمكىندىگىن كەڭەيتۋگە، سونداي-اق جەكە دەتەكتيۆتەردىڭ قىزمەتىنە ناقتى قۇقىقتىق نەگىز قالىپتاستىرۋعا باعىتتالعان.
زاڭ جوباسىندا بۇل قىزمەتتىڭ نەگىزگى ەرەجەلەرى قاراستىرىلعان. اتاپ ايتقاندا، كىمدەر دەتەكتيۆ بولا الاتىنى، دەتەكتيۆتىك اگەنتتىكتەردىڭ قالاي جۇمىس ىستەيتىنى، ليسەنزيالاۋ ءتارتىبى جانە مەملەكەتتىك باقىلاۋ تەتىكتەرى كورسەتىلەدى.
ءقازىر قازاقستاندا جەكە دەتەكتيۆتەردىڭ قىزمەتى زاڭمەن رەسمي تۇردە رەتتەلمەگەن.
بۇعان دەيىن ىشكى ىستەر مينيسترلىگى ادامنىڭ جەكە ومىرىنە قاتىستى اقپاراتتى زاڭدى نەگىزسىز جيناۋ نەمەسە بىرەۋدى اڭدۋ جەكە ومىرگە قول سۇعۋشىلىق بولىپ سانالاتىنىن جانە مۇنداي ارەكەتتەر قىلمىستىق جاۋاپكەرشىلىككە اكەلۋى مۇمكىن ەكەنىن تۇسىندىرگەن.
