Birikken Arab Ámirlikteriniń Dýbai qalasynda ornalasqan AQSh konsýldyǵy mańynda dron qulaǵany týraly aqparat tarady. CNN telearnasynyń derekkózi bul ushqyshsyz apparat Iranǵa tiesili bolýy múmkin ekenin aitady, dep habarlaidy Dalanews.kz.
AQSh-tyń memlekettik hatshysy Marko Rýbio málimdegendei, ushqyshsyz apparat konsýldyq ǵimaraty janyndaǵy avtoturaqqa qulaǵan. Onyń aitýynsha, oqiǵa saldarynan eshkim zardap shekpegen, sebebi AQSh pen Izraildiń Iranǵa qarsy operatsiiasy bastalar aldynda diplomatiialyq mekemeniń kóptegen qyzmetkeri qaýipsiz jerge kóshirilgen.
Telearnanyń habarlaýynsha, konsýldyq ǵimaratynyń ústinen qoiý qara tútin kóterilgeni baiqalǵan. Dýbai biligi de X áleýmettik jelisinde konsýldyq mańynda dronǵa qatysty oqiǵa bolǵanyn rastady. Málimetke qaraǵanda, shyqqan órt jedel túrde aýyzdyqtalyp, adam shyǵyny tirkelmegen.
Oqiǵaǵa qatysty beinejazbany OSINTdefender monitoring arnasy jariialady.
Aita keteiik, bul keiingi kúnderi Taiaý Shyǵystaǵy AQSh diplomatiialyq nysandaryna jasalǵan úshinshi shabýyl bolýy múmkin. Buǵan deiin Iran tarapynan Kýveit pen Saýd Arabiiasyndaǵy AQSh elshilikterine de soqqy jasalǵany týraly aqparat taraǵan.
