Taiaý Shyǵys elderinen kelgen ushaqtar Qazaqstan áýejailaryna qondy, dep habarlaidy Dalanews.kz.
4 naýryz kúni Taiaý Shyǵys elderinen qaitarylǵan Qazaqstan azamattary mingen ushaqtar el áýejailaryna kelip qondy.
Air Astana kompaniiasy Medina men Jiddadan birneshe reis oryndady:
KC2202 reisi Aqtaý qalasyna saǵat 21:28-de qondy, bortta 142 adam boldy;
KC2208 Medina – Atyraý baǵyty boiynsha saǵat 01:19-da qondy, 145 adam;
KC2206 Jidda – Atyraý baǵyty boiynsha saǵat 02:50-de qondy, 174 adam;
KC2204 Jidda – Atyraý baǵyty boiynsha saǵat 03:34-te qondy, 179 adam boldy.
Sonymen qatar, SCAT áýe kompaniiasy Boeing 767 áýe kemesimen Almaty – Maskat – Almaty baǵyty boiynsha reis oryndalyp jatyr. Ushaqta shamamen 290 oryn bar.
Qazirgi tańǵa deiin Qazaqstanǵa 946 jolaýshy qaitaryldy.
Qazaqstan azamattaryn elge qaitarý jumystary jalǵasyp jatyr.
