Baspager Shyńǵys Muqan Qyzdar pedagogikalyq ýniversitetindegi (QyzPÝ) Coffee Book jobasyna qatysty másele kóterdi. Onyń aitýynsha, ýniversitettiń jańa basshylyǵy UniSpace alańynda ornalasqan Coffee Book-tyń kelisimshartyn uzartpai, oryndy bosatýdy talap etip otyr, dep habarlaidy Dalanews.kz.
Shyńǵys Muqannyń jazbasyna súiensek, bul joba bir jyl buryn sol kezdegi rektor Gúlmira Qanaidyń «qyzdarǵa kitap oqytýǵa jaǵdai jasaiyq» degen usynysymen iske qosylǵan. UniSpace alańy QyzPÝ-dyń jańa korpýsynda ashylyp, jobanyń tusaýkeserine Ǵylym jáne joǵary bilim ministri Saiasat Nurbek bastaǵan ziialy qaýym ókilderi qatysqan.
Baspagerdiń málimetinshe, Coffee Book jobasyna 10 mln teńge jeke qarajat salynǵan.
Alaida ýniversitetke jańa rektor - Beibitkúl Karimova taǵaiyndalǵannan keiin, oqý orny tarapynan kelisimshartty uzartpaý jóninde talap qoiylǵan.
"Memlekettiń nashar menedjer ekenin bilemiz, al seriktes retinde de senimsiz ekenin osylai taǵy kórip otyrmyz", - dep jazdy Shyńǵys Muqan.
Qazirgi tańda ýniversitet basshylyǵy bul jaǵdaiǵa qatysty resmi túsinikteme bergen joq. Dalanews.kz QyzPÝ ákimshiliginiń pozitsiiasyn naqtylaý úshin saýal joldady.
UPD: sońǵy derekter boiynsha,QyzPÝ Coffee Book-pen kelisimshartty taǵy bir jylǵa uzartqan.
