Osy sátte Abai oblysynyń órt sóndirýshileri Semei qalasyndaǵy Shýgaev kóshesinde ornalasqan oiyn-saýyq ortalyǵynda shyqqan órtti sóndirýde, dep habarlaidy Dala news.
Tótenshe jaǵdai ministrliginiń málimetinshe, habarlama túskennen keiin alty minýt ishinde kúshter men quraldar oqiǵa ornyna jetken. Alǵashqy bólimsheler kelgen kezde ǵimarat ashyq jalynmen janyp jatqan. Órt órship, shatyr ishinara qulaǵan. Ákimshilik ókilderiniń málimetinshe, adamdar ózdiginen evakýatsiialanǵan.
Órtti sóndirý jumystary joǵary órt júktemesi men qatty tútinge bailanysty kúrdelenip otyr. Nysan perimetri boiynsha sý shashyratqyshtar berilip, biik tehnika arqyly sý jetkizilýde.
Oqiǵa ornynda jedel shtab qurylyp, sýdyń úzdiksiz berilýi qamtamasyz etilgen. Órtke qarsy qyzmet joǵary rang boiynsha jumys istep jatyr.
112 nómirine zardap shekkender týraly aqparat túspegen. Órtti sóndirý jalǵasýda.
