وسى ساتتە اباي وبلىسىنىڭ ءورت سوندىرۋشىلەرى سەمەي قالاسىنداعى شۋگايەۆ كوشەسىندە ورنالاسقان ويىن-ساۋىق ورتالىعىندا شىققان ءورتتى سوندىرۋدە، دەپ حابارلايدى Dala news.
توتەنشە جاعداي مينيسترلىگىنىڭ مالىمەتىنشە، حابارلاما تۇسكەننەن كەيىن التى مينۋت ىشىندە كۇشتەر مەن قۇرالدار وقيعا ورنىنا جەتكەن. العاشقى بولىمشەلەر كەلگەن كەزدە عيمارات اشىق جالىنمەن جانىپ جاتقان. ءورت ءورشىپ، شاتىر ءىشىنارا قۇلاعان. اكىمشىلىك وكىلدەرىنىڭ مالىمەتىنشە، ادامدار وزدىگىنەن ەۆاكۋاسيالانعان.
ءورتتى ءسوندىرۋ جۇمىستارى جوعارى ءورت جۇكتەمەسى مەن قاتتى تۇتىنگە بايلانىستى كۇردەلەنىپ وتىر. نىسان پەريمەترى بويىنشا سۋ شاشىراتقىشتار بەرىلىپ، بيىك تەحنيكا ارقىلى سۋ جەتكىزىلۋدە.
وقيعا ورنىندا جەدەل شتاب قۇرىلىپ، سۋدىڭ ۇزدىكسىز بەرىلۋى قامتاماسىز ەتىلگەن. ورتكە قارسى قىزمەت جوعارى رانگ بويىنشا جۇمىس ىستەپ جاتىر.
112 نومىرىنە زارداپ شەككەندەر تۋرالى اقپارات تۇسپەگەن. ءورتتى ءسوندىرۋ جالعاسۋدا.
