Qazaqstan týrizmge táýeldi elder reitinginde 147-orynǵa jaiǵasty, dep habarlaidy Dalanews.kz.
Qazaqstannyń jalpy ishki ónimindegi (JIÓ) týrizmniń úlesi nebári 1%-dy quraidy. Mundai kórsetkish Kamerýn, Býrkina-Faso, Belarýs jáne Palestinada da tirkelgen.
Reitingte negizinen shaǵyn aral memleketteri men kýrorttyq bizneske súienetin ekonomikalar aldyńǵy oryndardy ielengen. Mundai elderde ishki naryqtyń shaǵyn bolýy jáne iri ónerkásip kásiporyndarynyń azdyǵy saldarynan sheteldik týrister valiýtalyq túsim men jumyspen qamtýdyń negizgi kózine ainalady.
Al ekonomikasy ártaraptandyrylǵan elder bul tizimde tómenirek oryn alady. Mysaly, AQSh 151-orynda tur. Bul elde halyqaralyq týrizm JIÓ-niń nebári 0,86%-yn quraǵanymen, absoliýt kórsetkishte týrizmnen túsetin tabys 251,6 mlrd dollarǵa jetedi.
Týrizmge qatty táýeldi ekonomikalar jahandyq daǵdarystarǵa da osal keledi. Máselen, 2020 jyly pandemiia saldarynan týrizm toqyrap, Arýbanyń naqty JIÓ-i 24%-ǵa qysqardy. Bul jaǵdai kásipkerler men turǵyndardy kúrdeli ekonomikalyq jaǵdaiǵa tap qyldy.
Reiting
Týrizmniń JIÓ-degi úlesi boiynsha kósh bastap turǵan elder:
-
Makao - 70,8%
-
Arýba - 69,7%
-
Maldiv araldary - 68,1%
Aimaq elderiniń kórsetkishteri:
-
Grýziia - 14,5% (28-oryn)
-
Armeniia - 10,5% (36-oryn)
-
Ázerbaijan - 3,3% (79-oryn)
-
Ózbekstan - 3,1% (87-oryn)
-
Belarýs - 1,0% (146-oryn)
-
Qazaqstan - 1,0% (147-oryn)
-
Resei - 0,4% (169-oryn)
-
Qytai - 0,2% (179-oryn)
Qazaqstandaǵy týrizm
Qazaqstanda sońǵy jyldary elge keletin týrister sany aitarlyqtai artqan. 2021–2024 jyldar aralyǵynda Qazaqstanǵa kelgen sheteldik týrister sany 292,6%-ǵa ósti.
Ornalastyrý oryndary qyzmet kórsetken sheteldik kelýshiler sany:
-
2021 jyl - 329 754
-
2022 jyl - 927 844
-
2023 jyl - 1 084 771
-
2024 jyl - 1 294 869
-
2025 jyldyń qańtar–qyrkúiek ailary - 1 086 813
Qazaqstanǵa keletin týristerdiń basym bóligi Resei, Qytai, Úndistan, Túrkiia jáne AQSh azamattary.
