قازاقستان تۋريزمگە تەۋەلدٸ ەلدەر رەيتينگٸندە 147-ورىنعا جايعاستى, دەپ حابارلايدى Dalanews.kz.
قازاقستاننىڭ جالپى ٸشكٸ ٶنٸمٸندەگٸ (جٸٶ) تۋريزمنٸڭ ٷلەسٸ نەبەرٸ 1%-دى قۇرايدى. مۇنداي كٶرسەتكٸش كامەرۋن, بۋركينا-فاسو, بەلارۋس جەنە پالەستينادا دا تٸركەلگەن.
رەيتينگتە نەگٸزٸنەن شاعىن ارال مەملەكەتتەرٸ مەن كۋرورتتىق بيزنەسكە سٷيەنەتٸن ەكونوميكالار الدىڭعى ورىنداردى يەلەنگەن. مۇنداي ەلدەردە ٸشكٸ نارىقتىڭ شاعىن بولۋى جەنە ٸرٸ ٶنەركەسٸپ كەسٸپورىندارىنىڭ ازدىعى سالدارىنان شەتەلدٸك تۋريستەر ۆاليۋتالىق تٷسٸم مەن جۇمىسپەن قامتۋدىڭ نەگٸزگٸ كٶزٸنە اينالادى.
ال ەكونوميكاسى ەرتاراپتاندىرىلعان ەلدەر بۇل تٸزٸمدە تٶمەنٸرەك ورىن الادى. مىسالى, اقش 151-ورىندا تۇر. بۇل ەلدە حالىقارالىق تۋريزم جٸٶ-نٸڭ نەبەرٸ 0,86%-ىن قۇراعانىمەن, ابسوليۋت كٶرسەتكٸشتە تۋريزمنەن تٷسەتٸن تابىس 251,6 ملرد دوللارعا جەتەدٸ.
تۋريزمگە قاتتى تەۋەلدٸ ەكونوميكالار جاھاندىق داعدارىستارعا دا وسال كەلەدٸ. مەسەلەن, 2020 جىلى پاندەمييا سالدارىنان تۋريزم توقىراپ, ارۋبانىڭ ناقتى جٸٶ-ٸ 24%-عا قىسقاردى. بۇل جاعداي كەسٸپكەرلەر مەن تۇرعىنداردى كٷردەلٸ ەكونوميكالىق جاعدايعا تاپ قىلدى.
رەيتينگ
تۋريزمنٸڭ جٸٶ-دەگٸ ٷلەسٸ بويىنشا كٶش باستاپ تۇرعان ەلدەر:
-
ماكاو - 70,8%
-
ارۋبا - 69,7%
-
مالديۆ ارالدارى - 68,1%
ايماق ەلدەرٸنٸڭ كٶرسەتكٸشتەرٸ:
-
گرۋزييا - 14,5% (28-ورىن)
-
ارمەنييا - 10,5% (36-ورىن)
-
ەزەربايجان - 3,3% (79-ورىن)
-
ٶزبەكستان - 3,1% (87-ورىن)
-
بەلارۋس - 1,0% (146-ورىن)
-
قازاقستان - 1,0% (147-ورىن)
-
رەسەي - 0,4% (169-ورىن)
-
قىتاي - 0,2% (179-ورىن)
قازاقستانداعى تۋريزم
قازاقستاندا سوڭعى جىلدارى ەلگە كەلەتٸن تۋريستەر سانى ايتارلىقتاي ارتقان. 2021–2024 جىلدار ارالىعىندا قازاقستانعا كەلگەن شەتەلدٸك تۋريستەر سانى 292,6%-عا ٶستٸ.
ورنالاستىرۋ ورىندارى قىزمەت كٶرسەتكەن شەتەلدٸك كەلۋشٸلەر سانى:
-
2021 جىل - 329 754
-
2022 جىل - 927 844
-
2023 جىل - 1 084 771
-
2024 جىل - 1 294 869
-
2025 جىلدىڭ قاڭتار–قىركٷيەك ايلارى - 1 086 813
قازاقستانعا كەلەتٸن تۋريستەردٸڭ باسىم بٶلٸگٸ رەسەي, قىتاي, ٷندٸستان, تٷركييا جەنە اقش ازاماتتارى.
