Irannyń jańa joǵarǵy jetekshisi bolyp qaza tapqan aiatolla Áli Hameneidiń 56 jastaǵy uly Modjtaba Hamenei taǵaiyndaldy, dep habarlaidy Dalanews.kz DW agenttigine silteme jasap.
Mundai sheshimdi shiit dinbasylarynyń joǵary ókilderinen quralǵan 88 músheli Sarapshylar keńesi qabyldaǵan.
Ázirge Iran biligi men memlekettik BAQ bul aqparatty resmi túrde rastaǵan joq. Alaida derekkózder bul sheshim Islam revoliýtsiiasy saqshylary korpýsynyń qysymymen qabyldanýy múmkin ekenin aitady.
Áli Hamenei qaza tapqannan keiin eldi ýaqytsha úsh adamnan turatyn alqaly keńes basqaryp otyr. Onyń quramyna prezident Masýd Pezeshkian, sot biliginiń basshysy Goliam Hosein Mohseni-Edjei jáne Konstitýtsiiany qorǵaý keńesiniń múshesi aiatolla Álireza Arafi kirgen.
Aiatolla Áli Hamenei Irandy 1989 jyldan beri basqarǵan jáne eldiń saiasi júiesindegi negizgi tulǵalardyń biri sanalǵan.
Ol 28 aqpanda bastalǵan AQSh pen Izraildiń Iranǵa qarsy áskeri operatsiiasy kezinde qaza tapty.
