Irannyń Tasnim aqparat agenttigi Izraildi Saýd Arabiiasyndaǵy Saudi Aramco kompaniiasyna tiesili munai óńdeý zaýytyna jasalǵan shabýylǵa qatysy bar dep aiyptady. Agenttik áskeri derekkózderge súiene otyryp, bul áreketti Izrail uiymdastyrǵan "jasyryn operatsiia" bolýy múmkin degen boljam keltirdi, dep habarlaidy Dalanews.kz.
Iran tarapynyń málimetinshe, Izrail osyndai áreket arqyly óńir elderiniń nazaryn Iran aýmaǵyndaǵy azamattyq nysandarǵa jasalǵan shabýyldardan basqa jaqqa buryp, Tegerannyń bedelin túsirýge tyrysqan.
Al Saýd Arabiiasynyń qorǵanys ministrligi men halyqaralyq sarapshylar bul oqiǵany Iran tarapynan jasalǵan shabýyl retinde qarastyrady. Olardyń aitýynsha, munai óńdeý zaýytyna baǵyttalǵan soqqy Irannyń drondary men zymyrandary arqyly jasalǵan. Bul - AQSh pen Izraildiń Iran aýmaǵyna jasaǵan birlesken soqqylaryna jaýap bolýy múmkin degen boljam aitylyp otyr.
Saýd Arabiiasynyń Ras-Tannýra qalasynda ornalasqan, táýligine 550 myń barrel munai óńdeýge qaýqarly zaýyt qaýipsizdik maqsatynda ýaqytsha toqtatylǵan. Zaýyt aýmaǵynda eki ushqyshsyz ushý apparaty ustalyp, sonyń saldarynan shekteýli kólemde órt shyqqany habarlandy. Alaida órt jedel túrde sóndirilip, zardap shekkender tirkelmegen.
Bul oqiǵa álemdik munai naryǵyna da áser etti. Parsy shyǵanaǵyndaǵy jetkizilimderdiń turaqsyzdanýy múmkin degen qaýipke bailanysty Brent markaly munai baǵasy shamamen 10 paiyzǵa qymbattady.
