Semei qalasynda BalaPark balalar oiyn-saýyq ortalyǵynda bolǵan alapat órtten keiin turǵyndarǵa ýaqytsha terezelerin jaýyp, múmkindiginshe dalada az bolý usynyldy, dep habarlaidy Dalanews.kz.
Mundai keńesti sanitariia dárigerleri berdi. Qazir mamandar órt bolǵan Qaraǵaily aýdanyndaǵy aýa sapasyn tekserip jatyr.
Qalalyq sanitariialyq-epidemiologiialyq baqylaý basqarmasynyń basshysy Shyńǵys Chokýshev alǵashqy tekseris órt kezinde, keshki ýaqytta júrgizilgenin aitty. Onyń sózinshe, zerthanalyq taldaýlar ziian zattar shekti mólsherden asqanyn anyqtamaǵan.
Aýa sapasyna qatysty tekseris jumystary jalǵasyp jatyr.
Eske salaiyq, buǵan deiin Semeidegi balalar ortalyǵyndaǵy órt tolyq sóndirilgeni, zardap shekkender joq ekeni habarlandy.
