سەمەي قالاسىندا BalaPark بالالار ويىن-ساۋىق ورتالىعىندا بولعان الاپات ٶرتتەن كەيٸن تۇرعىندارعا ۋاقىتشا تەرەزەلەرٸن جاۋىپ, مٷمكٸندٸگٸنشە دالادا از بولۋ ۇسىنىلدى, دەپ حابارلايدى Dalanews.kz.
مۇنداي كەڭەستٸ سانيتارييا دەرٸگەرلەرٸ بەردٸ. قازٸر ماماندار ٶرت بولعان قاراعايلى اۋدانىنداعى اۋا ساپاسىن تەكسەرٸپ جاتىر.
قالالىق سانيتارييالىق-ەپيدەميولوگييالىق باقىلاۋ باسقارماسىنىڭ باسشىسى شىڭعىس چوكۋشەۆ العاشقى تەكسەرٸس ٶرت كەزٸندە, كەشكٸ ۋاقىتتا جٷرگٸزٸلگەنٸن ايتتى. ونىڭ سٶزٸنشە, زەرتحانالىق تالداۋلار زييان زاتتار شەكتٸ مٶلشەردەن اسقانىن انىقتاماعان.
اۋا ساپاسىنا قاتىستى تەكسەرٸس جۇمىستارى جالعاسىپ جاتىر.
ەسكە سالايىق, بۇعان دەيٸن سەمەيدەگٸ بالالار ورتالىعىنداعى ٶرت تولىق سٶندٸرٸلگەنٸ, زارداپ شەككەندەر جوق ەكەنٸ حابارلاندى.
