AQSh–Izrail áskeri operatsiiasy bastalǵaly beri Parsy shyǵanaǵy elderi Iran tarapynan ushyrylǵan 518 ballistikalyq zymyran men 1129 ushqyshsyz ushý apparatyn (dron) áýede tosqaýyldaǵan, dep habarlaidy Dala news.
Málimetke sáikes:
•Kýveit 178 ballistikalyq zymyran men 384 drondy joiǵan.
•Birikken Arab Ámirlikteri Iran ushyrǵan 182 zymyrannyń 169-yn qaǵyp túsirgen. Joiylmaǵandary teńizge qulaǵan. Sondai-aq 645 dron atyp túsirilgen. Taǵy 44 ushqyshsyz apparat el aýmaǵyna soqqy jasaǵan.
•Bahrein ústinde 70 zymyran men 76 dron joiylǵan.
•Katar 104 zymyrannyń 101-in, 39 dronnyń 24-in qaǵyp túsirgen. Sonymen qatar eki irandyq Sý-24 bombalaýshy ushaǵy atyp túsirilgeni habarlandy.
Aimaqtaǵy áýe shabýylyna qarsy qorǵanys júieleri joǵary daiyndyq rejiminde jumys isteýde. Sarapshylar mundai aýqymdy zymyrandyq jáne drondyq soqqylar Taiaý Shyǵystaǵy áskeri shielenistiń jańa kezeńge ótkenin kórsetetinin aitady.
Qaqtyǵystyń ári qarai órbýi jahandyq qaýipsizdik pen energiia naryǵyna tikelei áser etýi múmkin.
