Teńiz ken ornynda munai óndirý kólemi Kaspii qubyr konsortsiýmy (KTK) júiesindegi shekteýlerge bailanysty aitarlyqtai qysqardy, dep habarlaidy Dalanews.kz.
Reuters agenttigine málimdeýinshe, 1 naýryz kúni Teńizdegi táýliktik munai óndirisi aqpan aiyndaǵy ortasha kórsetkishpen salystyrǵanda shamamen 30 paiyz tómendegen. Nátijesinde óndiris kólemi táýligine shamamen 590 myń barrelden 415 myń barrelge deiin azaiǵan.
Never.Aqsha derekkóziniń aitýynsha, mundai tómendeýge Kaspii qubyr konsortsiýmy arqyly munai tapsyrýdaǵy shekteýler sebep bolǵan.
"Aita keteiik, Qazaqstan eksporttaityn munaidyń 80 paiyzdan astamy dál osy KTK júiesi arqyly syrtqy naryqqa shyǵarylady", - deidi derekkóz.
Sondai-aq derekkózder Novorossiisk mańyndaǵy Iýjnaia Ozereevkadaǵy KTK terminalynyń jumysyna sońǵy aptalarda birneshe faktor áser etkenin aitady. Atap aitqanda, qolaisyz aýa raiy, sondai-aq ushqyshsyz ushý apparattarynyń yqtimal shabýyly týraly jii jariialanatyn dabyldar tankerlerdiń ailaqqa jaqyndaýyn, infraqurylymdy tekserý men munai tieý protsesin qiyndatyp otyr.
