Almatyda erekshe balalarǵa arnalǵan túzetý ortalyǵynda bolǵan janjalǵa baılanysty ortalyq qyzmetkerleriniń biri ustaldy. Ata-analardyń aıtýynsha, mekemede balalarǵa qatygezdik kórsetilgen, dep habarlaıdy Dalanews.kz.

Sputnik.kz málimetinshe, polısıa bul derek boıynsha qylmystyq is qozǵap, kúdiktini ustaǵan. Qazir ol ýaqytsha ustaý ızolátoryna qamaldy. Quqyq qorǵaý organdarynyń málimetinshe, tergeý amaldary jalǵasyp jatyr jáne is polısıa departamenti basshylyǵynyń erekshe baqylaýyna alynǵan.

Eske salaıyq, buǵan deıin Almatydaǵy erekshe balalarǵa arnalǵan korreksıalyq ortalyqta bolǵan jaǵdaı qoǵamda qyzý talqyǵa túsken edi. Almatylyq bloger ortalyqta balalarǵa qatygezdik kórsetilgenin aıtyp, áleýmettik jelide beınejazba jarıalaǵan.

Osydan keıin bala quqyqtary jónindegi ýákil Dınara Zákıeva atalǵan jaǵdaıǵa baılanysty tekseris bastalǵanyn málimdedi. Keıin polısıa qylmystyq is qozǵap, tergeý jumystaryn bastaǵan.